31‏/03‏/2009

سرقطع التيار الكهربى فى مصر......لماذا؟


شهدت مصر فى ليلة السبت الماضى حمله لقطع التيار الكهربى لمواجهة الإحتباس الحرارى والإعلانات شغاله من شهر حول هذا الموضوع
والغريبه إن فعلا برج القاهره نفذ الكلام ولكن لم ينقطع إرسال التليفزيون دقيقة .
وقال إن قطع الكهرباء إختيارى مع العلم إن كل قرى مصر ومصانعها ومدنها لم ينفذ أحد هذه الدعوه.
وأعتقد أن السر الكامن خلف إنقطاع التيار الكهربى كان تقليل فواتير الكهرباء لأن الإحتباس الحرارى عايز أيام تنقطع فيها الكهرباء وليس ساعات على العموم أنا بصراحه كنت مشجع الفكره مش علشان الإعلان إنما لفكرة الإتحاد فى عمل واحد على لمستوى العالمى
وده ميمنعش كون إن تقليل الإحتباس الحرارى فكره جميله ولكن هذه الفكره لن تنفذها السياسة العاجزه حيث أن معظم رجال السياسات المتحكمه فى كل هذا يفوقوا الستين والسبعين فيجب إعطاء الراية للشباب وأكيد مفيش شاب هيقولك نقطع الكهرباء ساعه وإنما إذا أردنا مساعدة البيئة يجب البحث عن البدائل وليس أفكار منقوله

ضمائر ماتت..................؟

ضمائر ماتت
رغم إن ضمائر الناس ممكن تموت فى أشياء كتير إلا إنى بخص طائفة معينه بكلامى وهما أساتذة الجامعات
المفروض إن دكتور الجامعه يكون اب ومعلم ويرعى مصلحة الطالب ويوجد قليل من الأساتذة بالجامعه بهذه الصفة
ولكن يوجد صنف أخر من أساتذة الجامعه كل همهم أن يتحدى الطالب على مستوى الجامعات فى مصر بالتحديد
وإن خانه التحدى يلجأ لأسلوب الترهيب للطالب وأساليب أخرى .
كما أن دكتور الجامعه يعتقد أنه فوق القانون وفوق الشبهات ينسى أنه فى أحد الأيام كان طالب هو الأخر

بداية

بداية
____
بسم الله الرحمن الرحيم
______________
فى البداية أحب أعبر عن سعادتى بدخولى مجتمع التدوين ودى مش أول مره أدون فيها ولكن المحاولات قبل كده لم تكتمل
إما لأنى حذفت المدونات دى أو لأنى بعد مكتبتها حسيت بإنها كانت أشياء مؤقته
وأتمنى إن مدونتى تنول رضا أخوانى وأخواتى المدونين
وبإذن الله المدونه هتكون مش فى موضوع واحد ممكن تنقل إنطباعى الشخصى أوممكن تنقل نقد حول الموضوع
أهم شئ بالنسبه لى هو أرائكم وأكيد كل واحد بينقل رأيه بصراحه وهو ده هدف التدوين
أخيكم النسرالمهاجر