08‏/06‏/2009

أنا الخبز لدى ما أحكيه.......؟

أنا أعلم جيدا ان موضوع رغيف العيش بمصر تناوله أناس كثير
ولكنى ساتحدث من زاوية معينة وسأجيب على عدة نقاط
أولا الدقيق
ثانيا الأفران
ثالثا الخبز
رابعا مستهلك الخبز
------------------------------------------------------------------------------------------------
__________________________
أولا: الدقيق
---------------
من البديهى أن انتاج مص
ر من الدقيق لا يكفى عدد سكانها وإلا لماذا نستورد الدقيق من الأوروبين والامريكان
وللأسف


حتى ما نستورده يمثل عجز عندنا ولا نحسن إستعماله
يأتينا الدقيق فى صورة معونات من دول أجنبية
عندما يدخل الدقيق الموانى المصرية تبدأ اللعبة حي يتم تحمله ومن المؤكد أن يتم أخذ جزء تحت حجة التلف
ثم يتم إدخاله مخازن الحكومة ثم يتم توزيع حصص الدقيق على المخابز بعد أخذ العمولات
وفى بعض الأحيان يدخل الدقيق فاسد ومرة أخرى مسرطن وأخرى تالف ولا نكتشف ذلك إلا بعد استهلاك الكمية
المستوردة.

ثم ينتقل الدقيق للمرحلة الثانية وهى الأفران
______________________________________
ثانيا: الأفران
-----------------
فى الأفران تتم الطبخة الكبيرة تلاقى صاحب الفرن فات
ح الساعة 7 صباحا ويقفل 9صباحا تسأل ليه يقولك الدقيق خلص رغم إن التموين بتاعه يكفيه طول النهار ويقولك خلص
وده ليه علشان بتوع محلات الكيك والحلويات هيشتروا الدقيق من الباشا صاحب الفرن ياخد الدقيق الشكارة ب20او25 يبعها ب100 جنيه لبتاع الحلويات وهل دى أمانه ويقولك ده أكل عيش ميعرفش إنه أكل سحت
وتلاقيه يتخنق أوى لو قلتله أنت عندك دقيق ومش راضى تخبز العيش ولو قلتله هشتكيك يقولك إشتكى عارف إنه هيرش على المفتش والمفتش هيقولك ده ميه ميه
واللى مش كويس تلاقى الفرن بتاعه مش نضيف ويجيب
دقيق من على الأرض ويحط فى العجانة علشان كده بيبقى فى رغيف العيش ظلط وحشرات وأحيانا قشر سمك يعنى بيجيب الرغيف مغمس
وتلاقى الفرن نفسه مصدى أو مش نضيف وميغيروش أو يجدده ويقولك أجيب منين طيب ميجيب من فلوس الدقيق بتاع السوق السوده وتلاقيه بقى مطلع رغيف عيش
تحفة لوحة فنية زى الرغيف إللى فى الصورة فوق
شكله جميل وطعم وبالذات الصدى كله حديد من إللى كانوا بيقولوا عليه فى وسائل الإعلام
وتيجى المشكله الكبيرة الرغيف نفسه


_______________________________________
ثالثا: الخبز
-------------
وهو بطل القصة من شدة جماله التى لا توصف كما قلت تلاقيه مغمس بالحشرات ومصدى
وتلاقى اسبات العيش خارجه مش عارف فين تلاقيه بيتوزع على الحبايب والمعارف الاول واللى عنده مزرعة مواشى يعمله اعلاف وبتمشى المساله وبتبقى فل مدام انعدم الرقيبمن البشر
واعجب كثيرا من المستهلكين وما يفعلونة
_____________________________________________________________
رابعا: المستهلك
----------------------
المستهلكين فى المدن تلاقيه ياكل الرغيف من فوق ويسيب أرضية الرغيف ويترمى فى الزبالة ويشترى العيش مرتين أو تلاته فى اليوم وتلاقى الطابور طويييييييييييييييل وربنا يرحمك لو وصلت وإشتريت

ولكن ما يثير حزنى هو كان السب الاول لكونى كتبت الموضوع ده
الأرياف
الأن الحكومة تبنى مخابز فى الأرياف ولكنى أتعجب الريف هما إللى بيزرعوا القمح وكل ست بيت عندها فرن بيتى ومع ذلك تشترى العيش من المخبز وطبيعى كل دقيق مخابز الأرياف للسوق السوده وتستخدم الخبز كعلف للحيونات والطير لانهم بيعتمدوا فى اكلهم على العيش الفلاحى وهو أجمل طعما من الرغيف الأفرنجى كما يسمونه
ولكم تمنيت أن تغلق مخابز الأرياف فهذا إهدار للدقيق والخبز والمال العام ويثقلديون الدولة فى إستيراد الدقيق وأتمنى تشديد الرقابة على المخابز ورغم انى لست مع ياسة الغلاء إلا أنى أطالب برفع سعر الدقيق التموينى لكى لا يستطيع الخبازبيعه فى السوق السوده ورفع ثمن رغيف العيش قليلا لكى يأخذ كل شخص حاجته فقط دون إهدار
ولا ننسى أن المسرفين إخوان الشياطين
وإلا مع مرور الوقت لن نجد مالا نشترى به رغيف العيش ويصبح هناك بديل واحد
مشاركة الحيوان فى أصناف طعامه كما يشاركونا فى أصناف طعامنا
أسأل الله أن يهدينا إللى ما يحبه ويرضاه

هناك 18 تعليقًا:

  1. بوست جميل اوى ومش مكرر ولا حاجة
    لكن فى نقطة لفتت نظرى
    مش طبيعى ابدا ان مصر تستورد قمح
    ده بفعل فاعل
    لان اول الطرق اللى اعرف بيها مدى تقدم الدوله او تخلفها هو انى اشوفها بتزرع ايه
    الدول الكبرى واخدة المراكز المتقدمة فى انتاج الحبوب والدول ال-------ما بتزرعش حبوب اد ما تزرع فراولة وكنتالوب
    ايه رأى حضرتك فى الكنتالوب؟

    ردحذف
  2. كلام جميل
    وتحليل ممتاز
    الرشاوى والرقابة الكفيفة هما السبب الاول فى هذه المشكلة
    بعدين فى ناس غلابة اوى مش هتقدر تجيب العيش لو غلى
    وعاوز اعرفك ان لو العيش غلى شلن بعد شهر هيغلى ربع جنيه وزى ما بيقولوا فتحت بقها
    تقبل تحياتى

    ردحذف
  3. لقد خلقنا الله أحرارا

    شكرا على كلامك الجميل ولكن الحقيقة هى إستيرادنا للقمح
    حتى و كان إستيراد ظاهرى لكنه حقيقى بالنسبة للكنتالوب كويس إنه فاكهة صيف بس مشكلته إن اللب فيه كتير
    شرا على مرورك وعلى رأيك

    ردحذف
  4. well
    أنت كده أجملت البوست فى كلمتين وبعدين لو الرغيف غلى هيحافظ على الإستهلاك القليل ولازم يكون فيه رقابة على الأتمان
    شرفتنى بالمرور

    ردحذف
  5. كيفك ايها الزميل الرائع في اول مرور لي مدونتك الهادفة..لحظت انك صاحب اهتما في قضايا العامة وهذا ما زاد بي الدخول اليك..وكذلك شعارك النسر وانت مصري وانا يوجد لي بوست يتحدث عن النسور وقصدت بة مصر بالرغم من انني من بلا اللة الواسعة وليس مصريا..وموضوعك مهم واتمني ان تفرد سلسلة عن باقي القضايا الملحة لك خالص المودة واتمني التواصل..زميلك حلم..

    ردحذف
  6. حلم
    أهلا بك أخى الحبيب شكرا على كلماتك الرقيق فى حق مدونتى البسيطة وإذن الله التواصل مجود بأصوات زوارى الأباء والذين أعدهم محل الأخوة لى
    جزاكم الله خيرا

    ردحذف
  7. السلام عليكم
    بوست رائع
    اولا دى شكل من اشكال الفساد اللى بنعيشه
    حاجه تخنق حاجه تغيظ
    انا اقترح حل ( اولا مصر تفرض على محافظات بعينها لزراعة القمح والذوره الشاميه) ومحافظات اخرى لزراعة الارز ) اقصد ان يكون فى ظبط وربط

    ثانيا معاقبة بائعى الدقيق غى السوق السوده اولا غلق الفرن ثانيا معاقبة بالسجن مالايقل عن 25 سنه انا مش بهزر دى يعتبر مال عام
    ثالثا توفير الاعلاف باسعار مخفضه حتى لا يستهلك الدقيق فى افواه البهائم
    وكل ذلك يرجع الى النظام هوعايز ايه ؟
    لو اراد ذلك لتم ذلك وبكل سهوله

    ردحذف
  8. أسامة
    كلامك جميل ولكن كيف يحاكم السارق نفسه كل فرد مسؤل المستهك على وى الإستعمال والخباز على البيع فى السوق السوده والحكومة على الرشاوى وأصحاب محلات الحلويات على الكسب غير المشروع وكلهم يبددون المال العام إذن فمن سيعاقب.........!

    شكرا على رأيك ومرورك

    ردحذف
  9. حلو قوى تحليل حضرتك ده
    ولكن برده كلها دايره
    احنا امه مش بتاكل من ايدها تستاهل كل اللى يجرالها
    علىا ستوى الدوله
    ممنوع زراعه القمح الا بنسبه معينه علشان نسنورد ومانقدرش نتكلم برده احنا دول عالم تالت
    وعلى ميتوى الفرد بدل مانخبز نروح نشترى العيش
    البركه اللى فى البيوت راحت من اسرافنا وقبلها خوفنا من بلد اضعف من الضعف ونسينا ان ربنا هو الرزاق وهو الخالق وهو من بيده ملكوت السماوات والارض
    محتاجين شويه ايمان علشان نبقى بلد بجد مش ولايه ولايات امريكا
    تحياتى موضوع هايل

    ردحذف
  10. جيجى
    شكرا على مرورك وكلماتك الجميلة
    وكلامك هذا يذكرنى بمثل قاله لنا الدكتور نصر أبو الفتوح فريد حيث قال لن تكون كلمتنا من رأسنا حتى يكون طعامنا من فأسنا وهذه حقيقة وكذلك فالسيادة للدول الأقوى هى من طبائعهم النفسية ويعلموا أن إقتصاد جيد يساوى سيطرة أقوى لذلك كما قلت فهى دائرة
    شكرا على مرورك

    ردحذف
  11. السلام عليكم ورحمة الله وبركاتة
    والله عندك كل الحق
    وخاصة فى نقطة ان الرغيف بيكون معاة الغموس بتاعة
    مهى الحكومة بتوفر للشعب
    اومال اية
    دى بتحبنا حب
    ربنا يكرها فينا
    يمكن نخدة من غير غموس
    دمت بالف خير

    ردحذف
  12. حتى تشرق الشمس
    نورت المدونة لكن إذا كان حب الحكومة كده إمال لو كرهتنا هتعمل ايه أكيد هيحرق الرغيف وبعدين يعطوه للمستهلك للأسف انعدام الرقابة جعلت هناك انعدام للضمير
    ودمت بخير

    ردحذف
  13. السلام عليكم

    ف البداية سعيد جدا بزيارة سعادتك واتمنى ان تتكرر

    ثانيا تحليل حضرتك ممتاز جدا

    وربنا ف عون الشعب

    ردحذف
  14. مصعب
    أنا أسعد بزيارى لمدونتك الجميلة
    وشكرا على كلماتك الرقيقة

    ردحذف
  15. موناليزا

    شكرا لمرورك الكريم

    ردحذف
  16. الموضوع فعلا بقى صعب قووووووووووووووي

    والواحد ياما لقى عقب سجارة وللا خشب وللا اي حاجة من البلاوي اللي بيلاقيها

    ردحذف
  17. manooosh
    دايما البروتين مغذى بس السجاير دى صعبة يعنى بيقولك لا للتدخين ويجيبوها فى العيش يبقى دى طريقة جديدة

    ردحذف