15‏/09‏/2009

أوراق حكومية



أولا أنا بعتذر عن غيابى الطويل ولكن ذلك كان لظروف خارج إرادتى وانتم وحشتونى جدا ووحشنى تدويناتكم الرائعة والجميلة وقد يتكرر الغياب أحيانا أخرى ولكنى سأحاول أنا أتواصل معكم دائما
وأردت اليوم أن أعرض لصورة ضايقتنى جدا وللأسف لا بد أن يمر بها كل شخص مدام يحمل الجنسية المصرية ففى بلادنا الحبيبة أصبح الفرد يساوى مجموعة أوراق ولا بد ان يرجع خمس أو ست مرات على الأقل لوجود أوراق ناقصة وثلاث أو أربع مرات للدمغات وكمان عشر مرات أختام وإمضاءات وثلاث او أربع مرات للشهادات

والجميل فى الموضوع أنه يضع ورقه مكتوب فيها الأوراق المطلوبة وتكون هى الأوراق الرئيسية ولكنه يترك الدمغات والإمضائات والمواعيد كى يزل أنفاس المواطنين فيها وأهم شئ المواعيد وقد تتخذ الإجراءات دقائق إنما يريدوا أن يونسه المواطن لمدة ثلاث او أربع شهور
ومن الجميل أنه فى بعض المصالح يتبع نظام الملفات المغلقه وليس المظاريف المغلقه يعنى يتحدد مقدار الرشوة التى ترفق مع الاوراق
والبعض الاخر يطلبها تحت إسم الشاى والتسهيل وغيرها وكل ده بسبب الورق مش عارف إزاى إنسان يقاس بالورق وليس العلم او الشخصية وكمان فيه حاجات شفتها للأسف لو معاك شخصية واصله أو كبيره تلاقى رئيس المصلحة أو مديرها هو الذى يتابع الورق ويضع لك من التسهيلات ما تشتهى
ده طبعا إنك تدفع قيمة الورق عند الإيداع والسحب وطبيعى القيمة تعلوا الورق بما يحتويه بكثير جدا وتلاقى الدمغه بدل ميطلب دمغه واحده يطلب خمسه سته وطبيعى أسعار الدمغات فى بعض المصالح خيالية وده جعلنا دولة الورق
مش عارف هيضر الحكومة فى إيه لو وضعت دمغه واحده على كل ورقه ولا لازم العدد علشان يونسوا بعض وأنا عارف إن البعض هيقول الدمغه مش فى شكلها إنما ضمان لدفع قيمة الرسوم المتمثله فى تمن الدمغه طيب ميكتبوا بيها وصل ولا يعنى علشان أول مالورقه تتقطع او تتلف تتلف الدمغه والرسوم
بصراحه أنابحزن جدا كل لما أشوف شخص مريض أو عاجز بيتبهدل علشان أوراق يمكن ملهاش أى لازمه غير إنها روتين بس زى مثلا ورق البطاقه يقولك يتمضى من مكان العمل ومكان التخرج ومن مليون مكان يعنى لو إتحروا عن ملفه فى الحكومه مهيعرفوش تاريخه ووظيفته وشهادته وكل حاجه ولا لازم اللف يعنى والمرمطه علشان يحسسك إن الورق مهم للأسف شئ أحس الناس فيه بالملل

هناك 15 تعليقًا:

  1. وكيلة نيابه مع ايقاف التنفيذ21 أغسطس 2009 في 3:37 ص

    عندك حق والله حكومه بتاع اوراااق حقيقى حاجه تخنق وترفع الضغط امال انا هيجيلى الضغط من قليل ده وانا بقدم فى النيابه طلبوا منى كمية اوراق لا تعقل هنقول ايه غير النظام كده
    بس نفسى اعرف لو جه رئيس جمهوريه تانى وده طبعا مش هيحصل وعاوز يغير النظام هيودى الورق ده فييييييييين؟؟؟ هههههه ربنا يصبرنا يارب
    وكل سنه وانت طيب ورمضان كررريم

    ردحذف
  2. فعلا والله عندك حق
    دلوقتي الورق بقى اهم من صاحبه
    الروتين .. هو الروتين طبعا
    بس بايدك ايه .. ولا بايدنا ايه
    كله بسبب الحكومة
    حسبي الله ونعم الوكيل
    جزاكم الله كل خير ع المقال
    وحمدا لله ع السلامة
    وكل سنة وانت طيب
    ورمضان كريم

    ردحذف
  3. كل عام وحضرتك بالف خير ويارب يرزقك حسن الطاعه ورضا الله فى رمضان وبعد رمضان ويرزقك الخير كله يارب
    ويارب نبقى حاجه مهمه مش مجرد اوراق
    جزاك الله خيرا كثيرا
    اللهم بلغنا رمضان وكل عام وحضرتك بالف خير والاسره الكريمه يارب

    ردحذف
  4. وكيلة نيابة مع ايقاف التنفيذ

    أنت عندك حق فى الكمية المهولة للأوراق بس متنشيش إنك دارسة قانون يعنى القانون هو مبدع الأوراق فلازم يتنفذ على أصحابه أولا

    وكل سنة وأنت طيبه

    والله أكرم

    ردحذف
  5. جنة الله
    دائما نقول الحكومة وإحنا إللى إخترناها وإخترناه وبيعناه بس صدقينى ده كله بسبب عجز الدوله وإرادتها فى تعطيل المصالح علشان لو كل مصلحة مشت بسرعه كده الدوله تفتقر
    ورمضان كريم
    وبارك الله فيك

    ردحذف
  6. جيجى
    كل سنة وأنت طيبه
    وربنا يعيد عليك رمضان بالمغفره ودخول الجنة ورؤية سيدنا محمد صلى الله عليه وسلم والشرب من حوضه والدخول من باب الريان

    وكونا نبقى شؤ مهم لا يقاس بالورق فده بعد مئة عام لما تكون الدول الأوروبية إخترعت وسيلة أسرع فى خدمة المواطنين نبتدى ناخد طريقتهم الحالية فى خدمة مواطنينا

    وربنا يبارك فيكى ويرزققى من حيث لا تعلمين
    ورمضان كريم
    أعاده الله علينا وعلى الأمة الإسلامية بالخير واليمن والبركات

    ردحذف
  7. السلام عليكم

    حمد الله على السلامه

    كل دى غيبه

    كل سنه وحضرتك طيب يارب

    ورمضان كريم

    بعدين متستعجبش من الاوضاع دى

    علشان انت عارف احنا فين

    تقبل تحياتى

    فى حفظ الله

    ردحذف
  8. السلام علبكم
    اللهم بارك لنا فى رجب وشعبان
    اللهم بلغنا رمضان
    اللهم آمييييييين
    وكما قال رسول الله صلى الله عليه وسلم:-
    من قام رمضان إيماناً وإحتساباً غفر الله له ما تقدم من ذنبه
    صدق رسول الله صلى الله عليه وسلم
    اللهم اغفر لنا جميعاً
    اللهم اغفر للمؤمنين والمؤمنات الأحياء منهم والأموات
    آميييييييييييين
    آميييييييييييين
    آميييييييييييين
    فدام قلمك
    ودمت بكل الخير
    مع خالص تقديرى وإحترامى

    ردحذف
  9. كل سنه وانت طيب وربنا يعود عليك الايام بالخير واليمن والبركات
    ربنا يرزقك من الخير ما تتمنى
    مهو الواحد ايه غير شوية ورق
    لا تحزن فانت فى مصر
    ربنا ييسر لك كل عسير ويفتح لك ابواب الخير والرحمه والمغفره ويرزقك الصدق فى القول والعمل

    ردحذف
  10. كل سنه وانت طيب
    اعاد الله الايام عليك بالخير واليمن والبركات واعانك على طاعته ورزقك الخير كله ورزقنا واياك ليلة القدر
    لا تحزن فانت فى مصر .... هو البنىادم ايه غير شوية ورق
    ربنا ييسر لك كل عسير
    وكل عام وانت بخير

    ردحذف
  11. ليس فقيرا من يحب
    سلمك الله فى الدنيا والأخره
    ورمضان كريم
    وبصراحه أنا أعلم اين نحن ولكن ليه الورق مهم فى بلدنا لدرجة إنه ممكن يضيع حقوق

    ردحذف
  12. اللؤلؤة

    اللهم أمين
    تقبل الله صيامنا وقيامنا وصلاتنا والمسلمين اجمعين
    دمت بخير

    ردحذف
  13. سمسمة
    كل سنة وأنت بخير وتقبل الله منك صيامك
    ورمضان كريم

    ردحذف
  14. السلام عليكم ورحمة الله وبركاته:
    كل عام وانتم بخير بمناسبة حلول شهر رمضان الكريم:
    الحقيقة ان دى اول مرة ادخل فيها عندك ، والحقيقة انى دخلت مكان قيم بصحيح واذا كانت الصدفة جمعتنى بك وكانت الصدفة فى ان توقيعاتنا متشابهان (النسر المهاجر) و (المهاجر الى الله) فانها الصدفة ايضا عندما تعلم اننى اعشق دراسة القانون واحب التعمق فيه برغم انه ليس تخصص دراستى ،الا انى احب ان اقرأ فى مجلدات ومراجع شقيقى الذى يعمل فى المحاماه.
    اتمنى ان نكون اصدقاء.

    ردحذف
  15. المهاجر إلى الله
    وعليكم السلام ورحمة الله وبركاته
    شكرا على رأيك فى المدونة والتى لا تبلغ من المكانة ما بلغت إليه مدونتك الجميلة
    ومن الجميل أن تشابه التوقيعات يجمع بيننا فى عالم التدوين كأصدقاء دائما
    وجزاك الله خيرا

    ورمضان كريم

    ردحذف