23‏/03‏/2010

وعد أم كلمة

       بعد انقطاعى فى الفترة الماضية عن التدوين لاسباب عديدة منها العمل وتجهيز أوراق تجنيد وغيرها قربت لحظات إبتعادى ع عالم الإنترنت لفترة ذهابى الى التجنيد ولكنى شعرت من داخلى أننى أريد أن أكتب فى مدونتى ولو أى شئ ولكن خطر فى بالى بعض المواقف التى أسفت لها كثيرا.

       فبعض الأشخاص يعطون وعودا كثيرة ولا ينفذونها وإذا واجهته بها يقولك أنا كنت بهزر أو ده كان كلام بس اومكنش قصدى بالعامية أو كل حاجه تصدقها .فهل افهم من كده أن الكذب أو النفاق بالمعنى الصحيح أصبح هو الأصل والوقت الذى قد نكون فيه صادقين هو الاستثناء.
       انا فقط أريد أن أعرف هل الوعد كلمة أو انه شئ يساعدنا على الهروب من مواقف معينة أو قد يكون هو الشئ الذئ يزيد ثقة الأخري بنا .لا أعلم ولم أعد أعرف أيهما مرتبط بالأخر وأيهما يعتمد على الأخر هل الوعد كلمة أم أن الكلمة وعد.
       فكبار السن عندهم مبدأ أن كلمتك هى وعد وأنت ملزم بتنفيذها مهما حدث لك ويؤمنون بأنوعد الحر دين عليه  بعكس بعض الاشخاص الان وإن لم يكن أغلبهم يقولك أنا بوعدك بكذا ......ولما يرجع فى وعده يقولك أنا رجعت فى كلمتى حتى ينسى أنه قلك بوعدك .
      ولم يعد ذلك يطبق على الافراد وإنما على الحكومات والشعوب يقولك نحن نسعي للسلام والطرف الاخر مصر علي الحرب وندعوهم للسلام وهو بيقتل فى أطفال الشعب الذي يتحدث عنه .يده ملوثه بدمائهم ويقولك نحن دعاة السلام والحرية وهم فى الحقيقة ل يتعدوا كونهم سفاحين.
     وعلى مستوى المصالح الحكومية يقولك أنا هخلص ورقك فى يومين ويمشورك بالشهر على الورق علشان تبرز بالمعلوم (رشوة) حتى أنهم أصبحوا يتاجروا بالوعود والكلام ولم يعودوا يعرفوا معنى الكلمة أو الوعد حتى إختلط المعنى علينا فهل للكلمة أو الوعد معنى أخر لا أعلمه أم اننا نعيش فى زمن ليس لنا أن نكون فيه أم اننا ننشد المثالية وليس الكمال .لا أعلم ولكن قد يكون البعض بأعلم به منى
فإذا كان أحد يستطبع عرض معانى أخري فليعرضها لنا  أو ينتظر حتى يأتى من يكشف الستار عليه...........................!

هناك 8 تعليقات:

  1. إن شاء الله فترة التجنيد تعدى على خير وترجع تنورنا تانى بإذن الله

    بس بجد لما ترجع غير القالب بتاع المدونة علشان هو بيمنع إننا نعرفك جديدك

    تحياتى

    Joudy

    ردحذف
  2. عندك حق والله فى كل كلمه قلتها الوعد فعلا بقى مجرد كلمة بتخرجك من موقف وممكن فعلا بيكون وعد وبتكون ناوى تنفذه لكن ممكن تيجى ظروف تحول دون تنفيذه
    يعنى الموضوع راجع لنية الشخص اللى بتتعامل معاه بس انا كنت دايما اقول اللى بيعوز يعمل حاجه او يوفى بوعده مش بيقول لاء بينفذ على طول
    وربنا يتولانا برحمته
    نورت التدوين من تانى

    ردحذف
  3. الزهرة البرية شكراعلى مرورك
    وربنا يتقبل منك وبإذن الله سأقوم بتغير القالب عند أول فرصة تسنح لذلك

    ردحذف
  4. قول يا رب

    فعلا ربنا يتولانا برحمته لاننا نعيش فى زمن صعب
    به كل الموازين مقلوبة
    وربنا يخليك
    بالنسبه للتدوين فلن أستطيع الإستقرار فيه حاليا نظرا لظروفى ولكن عندما تتهى هذه الظروف فسوف أرجه لاعزائى المدونين مره أخرى

    ردحذف
  5. النسر المهاجر
    اهلا بيك بيننا
    في هذا الوطن الجميل
    واحيك على خدمتك علم ام الدنيا
    وشرف عظيم ان يكون المرء جنديا في جيش طالما نفتخر به..عاشت مصر وجيشها واحراها واقلام ابنائها المخلصين
    للامام ايها النسر للعنان دوماااا
    اخوك المهاجر
    حلم
    كل سنة وانت واهلك ومصر بالف خير

    ردحذف
  6. aشكرا يا حلم على المرور

    ردحذف
  7. طبعا التعليق متأخر واكيد انت خلصت فترة التجنيد
    انا باحترم اي حد دخل الجيش وكان نفسي اخويا الوحيد يدخل الجيش
    لان الكلام سهل بقت معظم الناس تتكلم عالفاضي والمليان وعلشان يخلصوا نفسهم من غير خسارة او علشان يطلعوا بمكسب ومع ذلك بتكون الكلمة غالية ومكلفة عندهم لو هتساعد الاخرين سواء ماديا او معنويا
    اما معني كلمة وعد في رأيي فهو زي كلمة "البتاعة" يعني له معني مختلف عند كل شخص ومعني مختلف عند الشخص الواحد في المواقف المختلفة.وهي كلمة مرنة يعني بتقبل دخول معاني جديدة فمتتعبش نفسك وحاول انك يكون عندك معني ثابت لها حتي لا تسبب الالم للاخرين كما سببه البعض لك.
    تحياتي

    ردحذف
    الردود
    1. انا فعلا مخلص جيش دلوقتى بقالى 3 سنين :)
      وأكيد الجنديه شرف وليها مميزات كتير وشكرا على كلامك الطيب
      فى الوقت الى كتبت فيه البوست ده اتمرمطت كتير فى اوراق يمكن أكتر من الفيزا بتاعتك وده ارتبط بوعود فى كتير فى المصالح الحكوميه دا غير ان الرشوه كانت متفشيه جدا
      وكلمة وعد مش اى حد يتكلم فيها الا انسان يعلم معنى الكله وفعلا انا الان مقتنع جدا بان الكلمة عقد والكلمة وعد فعلا وكلامك صحيح جدا لان الوعد معناه مختلف بين الناس
      وشكرا ليكى جدا جدا جدا على مرورك الكريم
      تحياتى

      حذف