15‏/10‏/2011

ماذا ستفعل إن وجدتها............!؟


يسأل الناس: ماذا ستفعل لها إن وجدتها؟

أقول لهم:

سأكون رجلا لها لا عليها
سأملك الدنيا بيميني وأهب قلبي لها
سأخرج عن المألوف في كل شيء معها

سأضيف على الحروف حروفا لوصفها
ولن أبالي بأحد و سأعبر عن حبي لها
سأهديها الورود وسأداعب دوما قلبها
بالكلمات والأفعال سأبهر أيضا عقلها

وقت انشغالي سأكون أيضا بجوارها
ارسل لها رسالة حتى تهدئ من روعها
وان طالت المسافات فلن انقض عهدها
حتى أعود من عملي فازداد اشتياقا لها

ثم نذهب سويا لمتجر واشتري هدية لها
فإن كنت مفلسا فالشاطئ سيكون طريقنا
نأكل حبوب الذرة ونقضي هناك ليلنا
لننسى هموم الدنيا ونجدد دوما حبنا

أعلم أن الحياة ليست دائما هكذا
وأنه سيكون هناك خلافا يوما بيننا
حينها كتاب الله سيكون حكما لنا
فهو الذي فيه حقي وايضا فيه حقها

أراكم تقولون أنها أحلام لا أصل لها
أو أنني سأتغير بمجرد وصولي لها
أقول لكم إن الحب لعبة بيني وبينها
لن أقدر على اللعب وحدي ابدا بدونها

ولكني سأبدأ بنفسي وسأبادر من أجلها
وسأقوم بتنفيذ ما فرضه على ربي تجاهها
ولن أطلب منها سوى أن تحبني كما أحبها
فأنا في النهاية رجل ولست نبيا مرسلا

إهداء
(لمحبوبتى)

هناك 14 تعليقًا:

  1. رائعة فعلا و ربنا يقدرك وتعمل كل اللي انت قلت عليه ده :)
    تقبل مروري
    تحياتي

    ردحذف
  2. شكرا لمرورك أفكار مبعثرة

    وبالنسبه للى قلت عليه فده مفروض يعمله أى شخص لما يلاقى حبيبته والى هتكون زوجته بعد كده
    ربنا يوفق الشباب وكل واحد يلاقى نصه التانى

    ردحذف
  3. الله الله الله
    لم اجد اجمل من كلمه الله لاقولها على روجه هذا الاحساس والكلمات النبيله
    بس يعلم الله فعلا ما سيحدث غدا ففى تجربتى فى الدنيا ان دائما الاحلام والكلام اسهل كثيرا من تنفيذها ربنا معاك

    تحياتى

    ردحذف
  4. شكرا لتعليقك الرائع والجميل وشكرا مرة أخرى لمرورك
    وربنا يبارك لكى فى فريدة

    ردحذف
  5. فعلا الله الله الله
    تسلم ايدك وتسلم المشاعر الصادقة النابعة من قلب انسان نبيل
    واْنا اْخى لا اْراها اْحلام بل هى آمال في الحياة ولن ينكسر قارب الحياة
    على صخرة الياْس مادام هناك مجداف اْسمة ( الثقة في الله )
    وياااارب يجمع بينكم في الخير. وياااارب يحقق ليك كل اللى بتتمناة
    وسلم الله قلبك واْيضا يسلم قلبها.
    تحياتى واْجمل واْرق امنياتى
    انسانة

    ردحذف
    الردود
    1. انسانه
      دائما شمسك تضئ سماء مدونتى المتواضعة
      أتعلمين أن هذه الكلمات هى للإنسانه التى سوف تصبح زوجتى
      أجمل ما فى الامر أنها ستقراه وستعلم أنه مكتوب لها من 2011 يعنى قبل أن أعرفها بكثير قد يكون جنون ولكنى أعلم أنها لى منذ ولادتها فالزواج من الرزق وقد لا يكون لها وجود فقد ينتهى عمر الإنسان وهو ما زال فى بحر العذوبية

      تحياتى لكى حقا ومن المؤكد إنها لو قرات تعليقك ودعوتك لها ستحبك دون أن تراكى :)

      حذف
  6. فقد ينتهى عمر الانسان وهو لايزال في بحر العزوبية. الله لايقدر
    وبعد الشر يارب يجمعك باللى تستاهل جمال ابو العز يارب
    يارب تتجوز وتتهنى وربنا يملىء الدنيا عليكم بالفرح والرضا
    وكمان الزرية الصالحة عاجلا وليس اجلا اللهم تقبل يارب العالمين
    وعلى فكرة انا مش بعرف (اْزغرط)بس سبحان الله العظيم واللهى العظيم
    لما بفرح لحد بتطلع لوحدها وبحس انها طالعة من قلبى فيارب تطلعلك
    من قلبى عن قريب يارب . وعلى فكرة انا احبك واحبها من دون ان اراكم ويشهد الله على مافى قلبى .دعواتى لكم باْن يرضى الله عليكم اللهم امين
    اجمل وارق التحية لك ولها حفظكم الله ورعاكم
    انسانة...شفت نسيت اقولك ان مدوناتك منورة بصاحبها الانسان المتميز
    بفضل الله ... دمت في خير من الرحمن...الف سلامة

    ردحذف
    الردود
    1. إنسانة
      العمر مش بايد أى حد فكل واحد لهقدر لازم يشوفه
      وعموما إن شاء الله يوم متجوز هسمع الزغروطه دى أكيد هتبقى اجمل ما فى الفرح

      أنتى إنسانه طيبه ومحترمة وربنا يبارك فيكى يا رب
      وشكرا لوجودك ومرورك

      حذف
  7. طيب عاوزة اقولك على حاجة بجد والله العظيم انا لو كان عندى بنوتة جميلة
    وكمان تليق بجمال ابو العز اللى هو بالنسبة ليا خيال قمة الزوق والادب والاخلاق وكمان العقل انا كنت جهزتها وكمان صيغتها وجبتهالك لحد عندك واكون انا الكسبانة شوفت بقى وكمان مرة والله العظيم اكون انا الكسبانة يارب يرزقك يارب بالزوجة الصالحة عاجلا يارب وليس اجلا اللهم تقبل منى يارب ... وكمان في حاجة انت مشاء الله عليك تقريبا في سن اولادى يمكن في فرق بينكم بس بسيط يعنى معايا احمد انتهى السنة دى من بكالوريوس تجارة دة عاقل جدا جدا يعنى انا ام يمكن بتكلم بقلب الام وشايفة كدة ومحمد في تالتة اداب انجليش يكاد يكون اعقل من الكبير بس بشقاوة وخفة دم ورخامة كمان ههههه انا شايفة كدة بصراحة يارب يرزقك زيهم واحسن منهم يارب .. اما بقى بمناسبة العمر مش بايد اى حد يارب يعطيك العمر ويبارك لك فية ويجعل قدرك رضاة وتشوف بفضل الله كل الخير ليك ولاْهلك يارب اللهم امين بس خلى املك في الله ودائما لاتنسى ذكر الله وان شاء الله ستكون ممن سعدهم الله في الحياة الدنيا والاخرة باذن الله
    والشكر كل الشكر لك انت ... في حفظ الله

    ردحذف
  8. إنسانة

    أولا كلامك مصدق ومش محتاج لليمين فالصدق يوصف بحضرتك.
    وبعدين إذا كان لحضرتك بنت فأكيد الى هيتجوزها هيبقى اسعد البشر لان حضرتك الى مربياها والبنت دائما صورة من أمها فى كل حاجه
    أما أنا شخص عادى لست خيال ولا أرقى للخيال فلو أحد يستحق أن يكون خيال لكنتى أنتى ذالك الخيال فحقا أنتى انسانه فوق كل وصف .
    وبتمنى من الله أن يبارك لكى فى ابنائك ويجعلهم قرة عينك ويرزقهم من حيث لا يحتسبوا ويحقق لهم ما يتمنوا وتشوفيهم عرسان بس متنسيش تدعينى
    على فكره أنا أكبر من ابنك الكبير بخمس سنوات
    وبشكر حضرتك جدا جدا على دعواتك الدائمة والتى أشعر أنها من قلب صافى كقلب أم لابنها وقد تجاوت سعادتى بوجود حضرتك بمدونتى عنان السماء
    وسلمك الله من كل شر وكتب لكى كل خير

    ردحذف
  9. اشكرك على دعائك الطيب واشكر زوقك واشكر ربى ان جعل الظروف الطيبة تدخلنى الى عالم جميل بمن فية وجعلنى اتبادل الحديث مع انسان حقا يفخر اى حد بالكلام معاة وانا في منتهى السعادة وان كنت جعلت من مدوناتك كلها كلام واْحاديث خرجت عن سياق الموضوع يعنى مش عارفة انا فجئة لاقيت اتغير بس بصراحة انا في منتهى السعادة بتبادل الكلام مع ابنى الثالث ربنا يوفقك ويجعل البركة والتوفيق في عمرك وكل ماتمسة يداك الكريمتان ولك كل الود والاحترام .
    انسانة

    ردحذف
    الردود
    1. انسانه
      أنا أكثر سادة بتواجد حضرتك
      ويسعدنى كثيرا النقاش معك حتى وان خرج عن سياق الموضوع فيكفينى شفا مرورك وشمسك التى اضائت عالمى الصغير
      وشرف كبير لى ان حضرتك تعتبرينى ابنك الثالث وربنا يوفق ويكرم أبنائك الى ما يحبه ويرضاه

      تحياتى لحضرتك ولاخوتى......,

      حذف
  10. على فكرة اسفة في حاجة نسيتها وهى يعنى معقول انسى ادعيك لفرح اولادى بس احنا عاوزين الاخ الاكبر هو اللى يبدء يعنى يارب يكون فرحك انت في الاول يارب ادعو الله ان يسعدك ويدخل على قلبك الفرح والسرور اللهم امين
    تحياتى لك ولكل من تحب .
    انسانة

    ردحذف
    الردود
    1. إنسانه مش مهم مين يبتدى المهم انك تفرحى بيهم وهما عرسان وتشوفى "أعز الولد" الى أكيد هيكونوا عندك الأفضل من كل شئ
      ربنا يبارك لكى فيهم ويفرحك بيهم وباولادهم واولاد أولادهم

      حذف