31‏/05‏/2013

المصرى ...............كرامة

طبعا أنا مش هطول فى الكلام لكن عايز أفهم حاجه واحده لما كانت مصر ليها قيمتها رد رئيس مصر بكده على اثيوبيا برضه الى عايزه تطبق نفس الكلام


طيب كان حد من العرب يقدر يقول لمصر إحنا بنعطيكم أو بيتكلموا عن شراء سندات هتخرب بيت الدوله مقابل قروض طبعا لا .....ليه بقى لان الرئيس كان عصبى وقتها هههههه يمكن أو شخصيته قوية المهم إن مصر كان ليها مكانتها بين العرب لدرجة إنهم متأكدين إن مصر كبيره أوى

 طيب كويس لحد كده يا ترى كان حد يقدر يساوم على أرض مصر فى أى إتجاه وخصوصا الجنوب والشرق نشوف راى السادات فى الموضوع ده

ده مرضيش يا خساره كان رئيس قوى بجد وحافظ كرامته ومركزه . عايز أسال السادات ازاى كان عايز يحمى الحدود الشرقيه لكن لولا إخوانا البعده رحلوه للدار الأخره كان هيعمل ايه 

يعنى هما مش عايزين يعملوا حاجه جديدة ورغم كده برضه مش هيعملوها . يا ترى الرؤساء دول كانوا خايفين من الجيش .أممممممممممممم مأعتقدش لانهم كانوا الجيش لدرجة إن العسكرى كان سعيد بيهم وكانوا عساكر ناشفه مش بتوع مامى وبابى وواسطه علشان يرتاح فى جيشه كانوا رجاله بجد حتى شوف ايد العسكرى دا لو لطش واحد من شباب اليومين دول كف هيجيله تربنه وممكن مخه يزن زى الراديو قبل ميفتح الإذاعه

كويس لحد كده إمال الجماعه الى على دماغ البلد كانوا بيكرهوهم ليه يا ترى ليه يا ترى عبد الناصر كان اتكلم عنهم وحش تقريبا

أيوه تمام دا إتكلم عنهم وحش طيب يمكن عبد الناصر ده مش مسلم زيهم ولا عارف ربنا إيه رايك يا عبد الناصر

 ده بيصلى وسمعت انه أول واحد مادة الدين بقت اجبارى فى عهده وبنى مساجد كتير وأسس التعليم الازهرى يعنى مسلم يمكن عمل للإسلام أكتر من المشايخ الى كل يوم طالعين يتكلموا فى السياسه وبقوا محللين وبيفتوا بالى يمشى معاهم .
 أه فعلا أحسن منهم
حلو لحد هنا لكن برضه لازم نجرب حكمهم وبالذات إنهم إنتقدوا على مدار 80 سنة أنظمة الحكم وقالوا ان الحكم وحش ولازم استقلال سلطات وإزاى مصر تقفل بينا وبين غزه الانفاق ولا بد أن يتوافر السلع الاساسيه ومصادر الطاقه والكهربا الى أهى أهم حاجه بالنسبه لجيلنا دلوقتى وإن كرامة مصر فوق كل شئ ولازم يكون رئيس أسوه بالصحابه والحمد لله مسك الرئاسه واحد منهم لكن كل الى إتقال إتعمل عكسه طبعا أنا مش هنتقد بالفيديوهات والصور وأقول انه قال انه يعمل فى ناسا وبعدين قال لا مشتغلتش فيها ولا انه قال مصر هتصدر قمح والحمد لله القمح إتطن قبل ميتزرع اساسا ولا انه قال ان الرئيس الى بيتحجج بان هناك مخطتات أجنبيه ده بيبقى رئيس ضعيف وجماعته وهو قالوا نفس الكلام .والاغرب من كده إن حافظ إبراهيم الله يرحمه صمم يرد عليه

طبعا يا حافظ أنا مش معاك فى كلمة على الحرام دى  أنا مصدقك من غير متحلف يا راجل . وبعدين يا حافظ رئيسنا برضه له ميزه كبيره اول رئيس دولة دوله تانيه تلبسه سلطانية الفلسفه بالفراخ الفخرية دى زى الفراخ البلدى كده مكنتش على ايامك ظهرت اليويمن دول فمتزعلش ولو مش مصدق أدى الدليل

طيب يا ترى ايه رأى الفلاسفه فى ده يا ترى أكيد أكلوا من الفرخه 

حتى الفلاسفه زعلانين طيب أنا عايزك تحرجهم وتفسرلى معنى "‫ انا عارف كويس قوى مين بيقول اية ازى علشان اية ؟‬ - " الى أنت قولتها دى . بصراحة قدراتى لم تعد تحتمل إبدعاتك .......
أقولك أنا هسيبلك السياسه يا عم وهعمل زى الراجل الى كنت فاكره مجنون ده بس طلع عاقل على الاقل زمانه مات قبل ميحضر الايام دى 

سؤال ملوش إرتباط بالكلام الى إتقال هو ممكن يوزعوا على الشباب شقق بالشكل ده ولا لا ...............؟!

هناك 28 تعليقًا:

  1. مساء الجمال :)

    انا مش عارفه ابداء منين بس بجد طرحك لموضع عجبنى جدا جدا جدا بس فى ملاحظه صغيره اوى اوى
    انت بتقارن رئيس مصر زمان ب رئيس مصر دلوقتى وانا معترضه جدا على الموضوع ده زمان مصر كان بيحكمها رجاله سواء اتفقنا معاهم سياسيا او اختلفنا المهم كانو رجاله اما دلوقتى لا تعليق الصراحه مش لاقيه وصف اممممممممممم ما علينا

    الملاحظه التانيه جمال كان عارف يخطف الزعامه والشعب وقتها مكنش عارف يشوفه غير زعيم

    الملاحظه التالته بقا السادات الراجل ده كل ما اقرا اى حاجه ليه مش بلاقى اى تعليق مناسب غير تعليق واحد بس فعلا عرف يحفر اسمه من دهب فى التاريخ وده انسب تعليق على اى حاجه عامله وكفايه انه لسه مصدر جدل لحد دلوقتى ازاى فكر وازى حطط وازاى سرعه اللباقه فى الرد وده انا برجعه لانه كان حافظ للقران الكريم وان ده كان سر بلاغته ولباقته فى الرد ديما ردوده مبهره واخدلى بالك حافظ القران :)

    الملاحظه الرابعه بالنسبه لحافظ ابراهيم والفلسفه ربنا معاهم ويقويهم والشعب كله هيعمل زى الراجل الى فى الشارع مش انت بس ما عدا الاخوان طبعا هما الى هيعيشو ونسبلهم البلد فاضه ونرتاح :)

    الملاحظه الخامسه بالنسبه للشقق اممممممممم انا سمعت انها قطع اراضى مش شقق :) شوفت بقا ظلمتهم ازاى ابقى دقق معلوماتك من فضلك هههههههههههههههه ومن هنا لحد ما نعرف هى اراضى ولا شقق ممكن تنزلنا صور لديكورات اكتر يمكن نلاقى حاجه احسن شويه نتأمر بقا ما بقت هيصه من حق الشعب يهيص ربنا يخللنا ام الخلول بتتعب والله معانا :)

    ملحوظه اخيره الرساله هتنفجر بعد ثوانى البوست مش هيستحمل جمال والسادات وبعدهم مرسى يا مفترى :)

    كلمه ملاحظه ديه رخامه منى اشمعنا يعنى هو بيقول ( ايه ازى عشان ايه ) نقول احنا حاجه من نفسنا بقا

    معلش طولت عليك بس طائر النهضه يستاهل نقعد ونرغى ونلت ونعجن منه له :/

    يسلم قلمك

    ردحذف
    الردود
    1. أنين الياسمين تعرفى ان ردك خلانى ضحكت فكرتينى بالنقاد هههههههههههههههه بس رغم كده لازم أفند كلامك أنا كمان إستعنا على الشقى بالله

      الملاحظه الاولى ردى عليها غنى مش بقارن لانه لا يستحيل المقارنه بينهم بعيد عن الرجوله وغيرها دول كانوا زعماء فعلا إنما دلوقتى بقوا ماء من من غير زع ... حتى الماء ضيعوه كمان . تعرفى رغم إنى منتخبتش مرسى الا إنى كنت بتمنى يخلف نظرى ويبقى كويس بس للأسف طلع شوربة عدس تايه فى أى حاجه.

      الملاحظه التانيه بقى على فكره أنا مخطفتش حاجه ههههههههههههههه طبعا بهزر على فكره جنمال عبد الناصر جيه فى وقت الناس لم يكن لديها وعى سياسى بالمره الملك كان هو الى بيفهم فى السياسه بس والناس عايزه تاكل وتنام وتعيش وخلاص وده الى اعطاه فرصه انه يكون زعيم رغم إنه حاول يوحد العرب بس طلعوا ميستهلوش فى الأخر بيدرسوا فى تاريخهم إن مصر كانت محتلياهم .

      الملاحظه التالته السادات فعلا كان حافظ القران زى رئيس مصر دلوقتى بس ده عمل بيه فعلا مش بيصور نفسه فى كل فرض علشان يقول للناس انا عارف ربنا ده كان عارف ان العمل عباده وكان يمتلك عقليه عسكرية وحربيه جباره ودرايه كامله بالحكم المدنى العسكرى أنا قرات مسيرة حياته كامله وتاريخه مشرف بكل المقايس ورغم كل ده مش لاقى مبرر لكره الإخوان لجمال والسادات

      الملاحظة الرابعه حافظ إبراهيم رئيس مصر بيفترى عليه وده يدل على الفراغ الثقافى العميق عنده هو قال كلمتين من مخه لقاهم مش عاجبينه قالك لزقهم فى حافظ ابراهيم هو يعنى هيطلع على التليفزيون يقول مقولتش يعنى عايز يظهر بمظهر المثقف القارئ . مش عيب إن الواحد يكون ثقافته على قده لكن العيب إنه يدعى الثقافه .والدكتوراه الفخريه دى كمان مأعتقدش ان ليها لازمه أساسا بالسلطانيه دى تقريبا الدرجات العلميه بقت هى كمان هدايا يعنى انسان ملوش فى اى فلسفه ولا بيقرا عنها ويبقى دكتور فى الفلسفه فمن حق عم الحاج الفيلسوف ده إنه يزعل طبعا

      الملاحظة الخاامسه على فكره هما وزعوا شقق فعلا بس على بعض شقق كامله بس طبعا مش بالديكور الى فوق دى شقق فيها قعده عربى لزوم الرسم وعلشان تمشى مع الدقنة . وبعدين انا مش طماع انا عايز شقه زى دى بسييييييييييطه خالص

      وعلى فكره بالنسبه للملحوظه متقلقيش جدران المدونة مضاده للصدمات العنيفه والغنفجارات ممكن جمال والسادات فعلا تستحملهم الجدران بالعافيه لكن مرسى صغنون وخفيف زى النسمه قبل منسمه تموت طبعا

      وبعدين قولى الى يعجبك وكل واحد هيقول الى يعجيه بس بجد أنتى فهمتى معنى جملته

      طائر النهضه بعد كده هيتعمل عليه شوربه وبعدين طولى براحتك تعليقاتك تستاهل إن الواحد يقراها كامله ويرد عليها حته حته هههههههههههههه :)

      حذف
    2. احم احم احم انت متعرفش انى ناقده ولا ايه ناقده خاصه للنسر المهاجر يا فندم انت كده طلعت متأخر زمنينا على فكره ههههههههههههههههههههههه
      الحمد الله انى عرفت اعمل حاجه واضحكك وانت كمان تعليقك ضحكنى :) يعنى خالصين
      احم احم كفايه بقا هزار ونيجى للجد

      الملاحظه الاولى انا كنت زيك بالظبط فيها منخبتش مرسى وعملت مقاطعه بس كنت بتمنى انه يخلف الظن ما علينا من النقطه ديه بترفع الضغط

      الملاحظه التانيه انا عارفه انك خاطف الزعامه من زمان بس محدش حاسس ههههههههههه وبرده بتفق معاك فيها

      الملاحظه التالته فعلا فى فرق كبير بين الكلام والفعل فكرتنى بسيدنا عمر مكنش بيعترف انه حفظ الايه الا لما بيعمل بيها وبيطبقها فعلا زى ما ربنا قال فى كتابه العزيز

      الملاحظه الرابع ديه بقا بصراحه معنديش فيها اى تعليق لانها هلكتنى ضحك ما تسيب الراجل يبين اى حاجه والسلام يبقى اسمه عمل حاجه فى حياته ايه الكبت ده ديما وقفنله على الواحده يا ساتر شعب مفترى :)

      الملاحظه الخامسه لولولولولولولىىىىى الحمد الله انه فعلا عمل حاجه وفرق شقق مش مهم على مين على فكره المهم انه عمل الى قاله حتى لو عمله لناس مش محتاجه انا بحب القاعده العربى كويس والله ابقى فكرنى اركب دقن يمكن اخد شقه والله هم يبكى وهم يضحك

      الحمد الله ان مدونتك تستحمل الى هيحصل فيها بس خلى بالك انا مع اول الم هعترف انك الرجل الاول للجماعه الى بتعارض الجماعه :)
      وبعدين كلامه مفهوم جدا بالنسبالى على فكره اصل انا الى بقوله يقول ايه وفين وامتى ويلزق كلامه لمين مش المرشد انتو فاهمين غلط على فكره :)

      ربنا يخليك يا جمال والله ده من ذوقك ان تعليقى يستاهل حقيقيى فرحتنى زي طائر النهضه كده ما فرحنا :P

      ملاحظه اخيره ربنا يكرمك يا جمال وجمال هنا صفه مش اسم وخدلى بالك انت :)

      بجد تسلم

      حذف
    3. أنا موافقك فى كل الملاحظات الا فى تركيب الدقن دى مش هتبقى حلوه عليكى هتبقى عامله زى الشيخ النواعمى وبعدين الشقق مدام مرحتش للى يستهلها يبقى ولا كأنها إتعملت أساسا.

      وأنا كمان بحب القعده العربى بس الى يقعد فيها ناس عاقله مش ناس بتقول طلاسم قدام التليفزيون دا جملته غطت على فوازير نيلى وشريهان

      وبعدين محدش يقدر يديكى ألم ما دمتى فى منطقة يحكمها النسر المهاجر وأنتى عارفه النسور بتعمل ايه ممكن فجأه يلاقى النسر الى فى علم مصر ناطط على مخه ويعمله زى الكوسه المتقورة

      وعلى فكره بلاش تشبهينى بالطائر الخيالى ده لانه طلع سد فى اثيوبيا مش طائر ولا حاجه بس كان بيتعمله تمويه

      وبعدين إذا كان الجمال صفه فليس هناك أجمل من عيون ترى الجمال وخده بالك هههههههههههه :)

      وتسلمى على مرورك وتعليقاتك الجميله

      حذف
    4. هههههههههه حو شيخ نواعمى

      يا عينى على النسر كده انا اطمت على نفسى وعلى ابلد الى هيقرب هيتعمل كوسه محشى

      متفكرنيش بالسد ولا نور ولا ميه الله اعلى واعلم ايه تانى هيتقطع والبقيه تاتى

      الاجمل ديما ردك وتعليقك

      حذف
    5. أولا شكرا على زوقك

      وبعدين أنا بتكلم فى الواقع الى إحنا عايشينه هنعمل ايه بقى نسيبها ونهج

      حذف
    6. لا طبعا الواقع مؤلم جا واحنا بنحال ندخل شويه ضحك عشان نعدى الى بيحصل بس متنساش اننا فى فساد من 0 نه وهم كبير مش بين يوم وليله هنقدر نخلص من كل ده والعقول الى فسدت خلاص احنا محتاجين نعدى كام جي عشان نقدر نمحى الى مصر وصلت ليه مشكلتنا الحقيقه الفساد وانعدام الضمير والطمع فى السلطه وخلافه لما كل ده ينتهى هيتصلح حال حاجات كتير اوى

      حذف
    7. تعرفى أنتى بتؤمنى بحاجه الناس كلها عارفاها بس المشكله إن الناس جات تزيل الفساد زودته شالوا واحد بيسرق بس مظبط ورقه وجابوا واحد بيغرف هو وجماعته علنى كده

      لكن مش عارف انا ديما مقتنع ان ربنا مسكهم الحكم علشان يتكشفوا ومعدوش يطلعوا ليه تانى وإن شاء الله الى جاى بعدهم أحسن

      حذف
    8. كل ده مساله وقت ربنا كريم

      ايوه لاننا طول الوقت شايفين انهم مظلومين ومش واخدين فرصتهم فى المجتمع وادى الفرصه جت وادينا شوفنا
      ان شاء الله هيكون احسن بس شويه صبر مع شويتين تلاته كده اجتهاد وعلى حبتين ضمير الدنيا هتتظبط ان شاء الله والفساد بس يسيب عقولنا انا اكتشفت ان فى ناس متمسكه بالفساد لحد دلوقتى وعلى فكره مش اخوان بس لاء ممكن يكونو ناس بينادو بالثوره وقد ايه هما عارفين المعنى الحقيقى ليها بس تعالى بقا اتفرج على شغلهم مش عايز يمشيه الا لما ياخد الى هيتفق عليه الفساد معشش فعلا ومحتاج وقت كبير

      خير كله خير ان شاء الله

      حذف
    9. المشكله الناس الى بتاخد رشوة كاناو فى بداية شغلهم شرفا بس لما لقوا كله بياخد بقوا كده طبعا ده مش مبرر بس ديما لو حطينا طمطمايه بايظه فى وسط قفص سليم هى هتبوظ القفص كله تخيلى بقى واحد سليم فى وسط مؤسسه فاسدة وكمان المواطنين هما الى بيساعدوهم على كده واحد جاى فى الأخر وعايز يمشى يقوم دافع علشان يخلص والمشكله إن هو الى عامل كده وكمان بيشتم فى الموظف لانه أخد رشوه يعنى عايز يتعدى على حق غيره وميتخدش منه رشوه إنت الى بدأت بالظلم يبقى إستحمل لكن لو كل واحد إحترم دوره ورفض دفع رشاوى الموظفين من نفسهم هينضفوا طبعا مع الوقت لان البقع مش يتنضف مره واحده

      بتمنى أشوف مصر زى الدول المتقدمة فى حياتهم لكن مع الله فى أخلاقهم

      حذف
    10. انا معاك بس دلوقتى الموظف بيتعامل مع الامور ديه كانه حق مكتسب حتى لو لاقك رافض انك تاخد حاجه مش حقك ورافض تدفع بقا يعقبك انه ياخر مصلحتك وممكن كمان يوقفلك شغلك كله او يضيع منك الشغل عشان يثبت قد ايه هو شريق وعنده حق او يمكن بيخاف انك تفضحه
      عموما الدنيا بقت خربانه من النحيتين ومحتاجه مجهود

      اللهم امين هترجع احسن بلد

      حذف
    11. خلاص زى ممرسة هيدعوا الله لزيادة ماء النيل إحنا كمان لازم ندعوا الله إن البلد تنضف منهم الاول ومن الفساد الى فيها

      حذف
    12. ربنا كريم نركز بس والنور يبطل يقطع وكله هيبقى تمام :)

      حذف
    13. الكهراب قطعت 3 ساعات ولما جات فتحت المدونة حتى مفيش عدل فى فصل الكهربا

      حذف
  2. السلااااااام عليكم
    تدوين في الجون صحيح

    انامااعرفش سنك قد ايه ؟ بس انا بقا شوفت لما عبد الناصر قال هتنحي رغم الهزيمة التقيلة الشعب طلع في الشارع كله يقول له لا خاليك يابطل
    عارف ليه ؟
    علشان كان رئيس عنده كرامه مصريه اصيله والشعب كان واثق انه هيرد له كرمته
    وشوفت السادات وهو بيتقاطع من الدول العربيه علشان التفاوض اللي هي جرية دلوقتي تتمرمغ في تراب بني صهيون
    مرسي فاشل وجماعته فشله
    ومنهم لله اللي انتخبوهم في اي مرحلة
    وماتخافش النيل هبة الله لمصر وعطيته الجميلة
    وماحدش بيقدر يمنع عطية الله

    ردحذف
    الردود
    1. شمس النهار

      أخيرا الشمس أشرقت فى مدونتى

      انا من مواليد التمنينات ومحضرتش عهد عبد الناصر أو السادات ولكنى قرأت تاريخهم الإتنين وسيرة حياة السادات وشوفت الأفلام الى بتحكى عن حياتهم لكن فى الأول والاخر كل رئيس بيكون عنده حاجه غلط فى cv بتاعه يعنى عبد الناصر كان بيحلم بتوحيد العرب والعرب قالوا عليه كان محتلهم والسادات كان بيسعى لحماية العرب وقالوا عليه عميل يعنى الغلطه الى الإتنين عملوها إنهم بيحموا الى ميستحقش الحمايه

      وطبعا انا فى الموضوع مش بقارن بينهم وبين مرسى لانه لا يوجد وجه للمقارنه أصلا

      ودعوة منهم لله الى انتخبوهم فدى حقيقه لكن أنا بصراحه كنت متوقع فيهم خير فى انتخابات مجلس الشعب الاولى لكن الحمد لله إتكشفوا قبل الإنتخابات الرئاسيه ومعدتش كررتها ولا هتكرر للأبد أنا كنت بحلم إن مصر يبقى البرلمان بتاعها من طوائف متتعده واحزاب مختلفه ورئيس الجمهورية يبقى غير دول خالص يعنى مش منتمى لحزب من لاحزاب مش زى الى بيقول أنا مش من الإخوان وتقريبا مبيت المرشد فى قصر الرئاسة

      وبالنسبه للنيل بقى فيكفى إنك تشوفى الرابط ده
      http://www.january-25.org/post.aspx?k=260968

      تحياتى لكى ........،

      حذف
  3. أزال المؤلف هذا التعليق.

    ردحذف
  4. ندى الربيع

    أولا شكرا لمرورك وفعلا أحسن كلمة قولتيها إن فعلا الجهل يتبرا منه

    وطبعا أنا يشرفنى كتير إنك تصبحى من أصدقائى

    ردحذف
  5. مساء الهنا عليك

    كلامك خلانى احس معنى مقولة شر البليه ما يضحك

    فهو دا احساس الحسرة على ماضى مصر المجيد بعد ما عصرنا على نفسنا لمون لتقبل حاضرنا

    ولا اضافه غير دعائى للرحمن ان يرحم مصرنا الغاليه وكرامة المصرى المحب لوطنه من براثن هؤلاء المغيرين على حضارتنا ومجدنا ولنا الله .. وكفانا الاقلام الجاده مثلك والتى تذكرنا بجميل ماضينا مع انه فى الوجدان دائما

    سعدت بمرورى على مدونتك وجميل كلامك

    على فكرة انا علقت قبل كده بس تعليقى كله مورسى اكيد ههههههههههه

    مودتى اخى واحترامى

    ردحذف
    الردود
    1. بسمة ورد

      أنا شرفت وسعدت بتواجدك فى مدونتى ومرورك بها
      وكلنا ندعو الله أن يزيح عنا الهم والبلاء

      وإذا لم يكن التعليق وصل فمن المؤكد أن الكهراباء أو النت قد إنقطعوا بفعل فاعل
      هو ديما بيحب يضايق الناس

      وتحياتى لكى اختى الغاليه .........،
      وأتمنى ان تشرفينى دائما بالزياره

      حذف
  6. بصراحة انا لما جيت هنا في المدونة الرهيبة دى اعترف وابصم بالعشرة
    انك بسم الله مشاء الله انسان واعى وفاهم اللى بيدور في بلدك كويس وكمان
    شىء ان دل فيدل على انسان على درجة عالية من الثقافة وكمان
    صاحب قلم ممتاز انا والله حصلتلى حالة من الانبهار مشاء الله انت وضيوفك
    على درجة كبيرة من الثقافة عارف انا دخلت عشان اتكلم بس لقيت كل الكلام
    اللى ممكن اتكلم فية او اقولة انم صيغتوة بطريقة سهلة وممتازة
    بصراحة ولااجمل حصة تارخ بجد والله بس اقولك كفاية عليا اللى قراتة بجد كفاية وكان ممكن اقرا واخرج من سكات بس بردو حسيت انى لازم اتكلم ولو انى مهما اتكلمت عمرى هقول كلامكم بارك الله فيكم ... تقبل تحياتى
    انسانة

    ردحذف
    الردود
    1. انسانه

      أكيد مش تقصدى بالمدونة الرهيبه مدونتى
      وبعدين انا بشرك على الكلام اللى مليان زوق الى حضرتك قولتيه وأكيد بما أنك من ضيوفى فأكيد أنتى من معشر المثقفين جدا والى بيعجبنى تعليقاتك كتير وكنت أتمنى لو ليكى مدونة ونقرا من خلالها افكارك
      ويكفى أنك علقتى بقاءة الموضوع وهذا فى حد ذاته شرف كبير لى وكنت هزعل لو دخلتى ومش علقتى رغم إنى مكنتش هعرف :)
      تحياتى لكى أختى الغاليه

      حذف
  7. هههههه لا اكيد اقد مدونتك الرهيبة بمعلومتها
    وبعدين متشكرنيش انا لم اقل غير حقيقة فعلا انت وضيوفك قمة الادب والرقى
    وكمان الثفافة ولكم يسعدنى انى اكون متواجدة معاكم ولو قارئة وبما انك
    بحسن اخلاقك دائما بتقبل استضافتى فلك جزيل الشكر على كرم اخرقك ايها
    النسر الكريم وبعدين مينفعش يبقى لى مدونة اصل هقول فيها اية انتم
    بتقولو كل اللى بحب اقولة يعنى بحب القصص الخفيفة وبلاقيها هنا
    وبموووووت في الشعر قرائة فقط يعنى لا اقولة وبردو بلاقية هنا وكمان
    بحب جداااااااا مدونات النسر الجرىء باْخلاقة طيب في اية تانى انا بدخل
    عالمكم الجميل دة بحس ان دة كرم من ربى عليا وبعدين اْيحق ان ادخل الى
    عالمك الجميل هذا ولم ابدى بتعليقى المتواضع لا.لايحق ههههه ولاعمرى يهون
    عليا انى ازعل النسر المهذب منى
    فلك تحياتى .. ودعائى لك بالوفيق وبرضا الله سبحانه وتعالى عليك وعلى الجميع انسانة اة على فكرة لفت نطرى وانا لسة هقفل الرسالة كلمة جميلة جدا تحياتى لكى اختى الغالية الم اقل لك انك قمة الرقى والزوق
    وشىء ان دل يدل على انسان ذو اخلاق عالية 0
    المرة دى اوجة تحياتى الى من قام بتربية انسان مثلك فاْجمل التحية لهم
    وبارك الله لهم فيك وكل التحية... انسانة

    ردحذف
  8. انسانه

    أنا على فكره ممكن اتغر كده ههههههههه
    وبعدين أنتى متاثره بقصة الصقر الجرئ بتاع 3 اعدادى بس التانى كان صقر مش نسر
    وبعدين انا عمرى مزعل منك وتنورى مدونتى فى اى وقت المدونة مفتوحة ليكى 24 ساعه
    وبشكرا جزيلا على كلامك الرقيق والى أنا متاكد انك اكثر رقة أكثر منه
    وأنا بعتبرك أختى ودا شعورى لكل مدون أو غير مدون يزور مدونتى وخاصةان كان يتحاور معى
    وربنا يسلمك يا رب من كل شر ويكتب ليكى كل خير ويرزقك من حيث لا تحتسبين ويجعل قرة عينك فيما تحبين

    أنا سعيد جدا بتعليق حضرتك
    تسلمى أختى الغاليه

    ردحذف
  9. مساء الخير ومساء الفل على عيونك
    وبعدين عاوز تتغر اتغر ياسيدى عادى من حقك وانا اقبل ذلك
    وكمان انا لست متاْثرة بالصقر الجرىء لاء انا متاْثرة بالنسر الجرىء
    واللى انا فعلا باعتبرة اخويا وان مكنش زى ابنى ولما اقول ابنى
    يعنى درجة الحب والغلاوة اكتر وبعدين شرف ليا انى اكون هنا في مونتك
    والتى تتميز بالرصانة والعقل ويارب يسلم عمرك وقلبك ويرزقك حبة ورضاة
    امين يارب العالمين ...
    واْخيرا اخى الغالى لك كل الود واْجمل تحية
    انسانة

    ردحذف
    الردود
    1. انسانه

      تعجز كل كلمات الشكر عن شكرك على زوقك وكلماتك الرقيه وتعليقك الى ديما بيغلبنى
      والشرف لى ولمدونتى ان حضرتك بتنورينا
      وبحمد الله إن المدونة كانت سبب فى النقاش بينا وأتمنى انها تكون فى المستوى الذى يحوز رضاكى

      شكرا لكى أختى الكريمة

      حذف
  10. رغم وضوح كرهك للإخوان المسلمين
    هسألك سؤال متوقع إجابته ووالله هقولك الإجابة اللي انا متوقعها
    بس بعد متجاوب

    ايه رأيك فالي حصل من بعد 30 \ 6 لدلوقتي ؟

    ردحذف
    الردود
    1. رايى ان الاخوان أكتر ناس فشلوا فى حكم مصر بعد طقم الحرامية بتوع مبارك
      ولو عايز تعرف رايى فى الى حصل بعد 30/6 شوف عدد المصرين فى الشوارع وده الإجابة المناسبه
      وعلى فكره أنا مش بكرههم كأشخاص وإنما كفكر سياسى وعقائدى يكفى إن الدولة محدش عرف ليها ميزانيه فى عهدهم
      منتظر اجابتك المتوقعه

      حذف