28‏/08‏/2013

العقول المقاتلة

دائما ما يواجهنا التناقضات فى حياتنا ودائما ما تختلف العقول ولكن هل معنى ذلك ان كل منا على صواب ..!
لا أعتقد ذلك فلقد خلقنا الله بيننا اختلافات كى نتكامل مع بعضنا البعض و فى النهاية نكون المجتمع البشرى ذو العقل الواعى الناضج .
ولكن كم أشعر بالتعاسة عندما أجد شخصين يتحدثون فى أى أمر ويختلفون وينتهى الحديث بالقطيعة .
هذا الموقف قد قابلنى فشخصين يتحدثون فى السياسه أحدهما مع طرف والاخر مع طرف أخر وإنتهى الحديث فى نهاية المطاف بأن كل منهما أخذ جانبا 
هل هذا هو أدب الحوار أم ماذا.............؟!
لم يعلم أؤلائك أن للحديث أداب يجب اتباعها بحيث أن ننتهى بفكره أو بمعلومة 
أو بنقاش جاد ليس شرطا أن نكون متفقين ولكن يجب أن نتصافح فى النهاية 
لا ان نكره بعضنا 
أننى حقا أصبحت أمل حديث البشر قلما يكون الحوار باحترام وقلما ينتهى 
نهاية محترمة 
إنى حقا أصبحت لا أعلم أين إحترام الاخر
أين احترام الراى الأخر 
أين الحوار الهادف

أين نحن ؟!

هناك 20 تعليقًا:

  1. زميلي الطبيب المثقف المؤدب يقاطع عمه لانه يناصر فريق ضد فريق
    ابن عمي قاطع ابن عمتي بسبب اختلاف الرأي وكل منهم مع فريق
    اخي وخالي علي خلاف دائم لنفس السبب
    لعنة الله علي السياسة التي جعلتنا نقاطع بعض ولا نحترم الاختلاف
    حتي انا صديقتي مقاطعاني بسبب اتجاهي السياسي المحايد معتبرة اني "..." مش عارفة اقول اية بصراحة ...
    للأسف عندنا مفيش ثقافة اختلاف نهائي

    ردحذف
    الردود
    1. للاسف يا رحاب ده بيحصل فى كل بيت الناس كلهم سياسين وبيفهموا مع ان اغلبهم اخد رايه من واحد سمعه بيتكلم وخلاص

      ثقافة الأختلاف فى الراى بالتربية ومحدش اتربى فى اجيالنا على ده

      حذف
  2. أتفق معك كثيراً
    فالسياسة واختلاف الآراء والتوجهات خرجت أسوأ ما فينا
    ثقافة تقبل الآخر لم تصل إلينا بعد

    ردحذف
    الردود
    1. وأنا ايضا أتفق معك فى رايك ايضا فللاسف باقى لنا الكثير والكثير حتى نفهم معنى الاختلاف
      شكرا لمرورك الكريم

      حذف
  3. اشاركك الراى والقول .. فكلنا اصبح يعانى من هذا الموضوع
    فى خضم ما نعايشه فى بلادنا الغاليه ,,
    وانا اعتقد ان هذا نتاج تربيه خاطئة من ثلاثين سنة انصياع لكلام وسياسة خاطئة فى التعامل مع الشعب
    والتسبب فى أنشغاله فى السعى وراء لقمة عيشه وفقط,

    ولكن اامل ان ياتى الوقت الذى نتفهم فيه اننا مختلفين الفكر والاراء ولكن مع مراعاة حب الغير واحترام راية

    مودتى واحترامى لفسلفتك وكلامك

    ردحذف
    الردود
    1. بسمة أمل

      شكرا لتواجدك المستمر وأتمنى من الله أن نرى إحترام الراى بين الناس وعدم تاثيره على العلاقات الشخصية

      حذف
  4. فى السابق كانوا يقولون ان الاختلاف فى الراى لايفسد للود قضيه واليوم اصبحنافى زمن يهاجمون بعضهم ينتقدون يثورون وربمايقتلون لان الاخر لايتفق معهم ..تحياتى لك سيدى لفكرك الراقى الف تحيه

    ردحذف
    الردود
    1. غادة

      زمان كان الغختلاف لا يفسد للود قضيه كان مثل للحفاظ عى الأخلاق والقيم ولكن الأن معظم تلك القيم اندثرت فى كافة المجالات حتى فى الفن والبحث العلمى والحوار

      ينقصنا الكثير حتى نختلف دون ان يفسد الود


      تحياتى لكى أختى الغاليه وشكرا على كلماتك الرقيقة

      حذف
  5. كنا في تجمع عائلي امس وكان هيتعمل نفس الموقف لولا اننا اصرينا ان مانتكلمش في السياسة
    لأن لو اتكلمنا هيبقا هنا في قطع صلة رحم
    الله يجازي من فكك المجتمع المصري

    ردحذف
    الردود
    1. شمس النهار

      أنتى أكيد اتصرفتى التصرف الصيح والى لازم يحصل لو مفيش تفاهم على حاجه واحده

      وان شاء الله الحق هو المنتصر

      وشكرا على تشريف مدونتى كالعادة بمرورك العزيز

      حذف
  6. السلام عليكم
    في مقولة بتقول ( في اختلافهم رحمة ) بالرغم من انى اشعر بالغضب والاستياء بما يحدث بيننا من سؤ اختلاف الا انى اقول طالما انة اصبحنا نختلف اذا بدانا نفكر يعنى بدانا نقلق على بلدنا حتى ولو كان اختلاف الراى هذا احيانا بياخد شكل الغضب دة معناة ان كل واح اصبح لدية معتقد بداخلة فكون هذا المعتقد صح او غلط دة اللى حيظهر مع مرور الايام وهى ان شاء الله مش بعيدة بس اقولك الحمد لله ان اخيرا الناس فاقت من غفوتها واشعر ان هذا الاختلاف مقدمة لنهضة جديدة او يمكن مش عارفة اعبر كويس بس هو دة اللى انا شيفاة .فابلرغم من كل الاختلافات وكل واحد متمسك براية وحاسس ان بقالة راى بالرغم من سذاجتنا كمجتمع مصرى فدة في حد ذاتة جديد علينا كمان خد بالك عمرنا ما اختلفنا في اى شىء قبل كدة كان النظام السابق معودنا على كدة يعنى الشعب المصرى خلق لكى يظل مطحون من اجل لقمة العيش لالا عشان حراام تقريبا الشعب المصرى على كدة من قديم الازل لازم يكون مطحووون عشان متقملوش قومة هههه انت فاهمنى المهم واحلى مافى حكاية مطحون دى ان كنا لما نرجع اخر النهار نتلم مع بعض بعد تناول وجبة العشاء وهى في الغالب الوجبة الوحيدة اللى كانت بتجمعنا وبعدها واثناء تناول كوب الشاى كل واحد يحكى على اللى مر بية طول اليوم واللهى كانت ايام جميلة باللى كانوا فيها الله يرحمهم الحمد لله المهم في اعمار كتير جدا انتهت على هذا النظام ثم جاء نظام والله لايرجعة نظام كانوا اسؤ من اللى قبلهم كانو يريدون بكل جهل وغباء فكرى وعقلى السيطرة والاستبداد بينا وبعقولنا كانو يريدون قيادتنا لنؤمن بفكرهم وثقافتهم ولو انى اشك ان عندهم اى نوع من الثقافة الا الغدر والخيانة والكذب كانوا يريدون حتى ان تصبح نياتنا واحدة ههههه تخيل قمة الغباء كانو يريدونا ضعفاء بلا عقل مثلهم ويعطلوا من قدراتنا على نظام السمع والطاعة مثلهم ايضا نعم هم فعلوا ذلك ولكن في قلة والحمد لله انهم قليلون واقول لك لاتخف فهذا ليس من شيم الشعب المصرى الاصيل صبرا فسترجع قريبا ان شاء الله الامور وسيرجع الشعب المصرى قلب واحد في اجساد كثيرة متفرقة واكيد الكل هيستفاد من تلك التجربة وان كانت قاسية بكل معانيها .. وصدقنى من كانو تحت استبداد الاخوان الفكرى والنفسى سينتبهون ويدركون لما هم فية وستضح لهم حقيقتهم وسيعودون لنا مرة اخرى واقول لك ان الاختلاف لابد منة ولكن اختلاف بدون سيطرة على الراى الاخر يعنى اختلاف مهذب ان شاء الله سيكون بيننا مرة اخرى .
    اعتذر لو كان اخدنى الكلام .
    واخيرا ادعوا لك بالتوفيق ربنا يوفقك ويرضى عليك يارب.
    خالص احترامى... انسانة

    ردحذف
    الردود
    1. إنسانه

      أنا بكون فى قمة سعادتى وانا بقرا تعليقاتك ومناقشاتك وكل مكان التعليق أطول كل مكان سعادتى بيه أكبر

      بالنسبه للتعليق

      فى اختلافه رحمة ده لما يكون هناك ديموقراطيه حقيقية وللأسف الشعب المصرى لم يجد هذه الديموقراطيه قط
      كان بيدور على لقمة العيش والشاب بيدور على مباراة كرة قدم أو اغنيه جديدة يعنى الشعب كله كان فى غيبوبة
      وأنا طبعا عندى نفس الأحساس بان الافضل قادم والخير هيجى باذن الله بس مفروض الناس طبائعها تتغير لكى تستحق الديموقراطيه الحقيقية
      مشزى مواحد كان رئيس كان بيقول الميه هتيجى بالدعاء

      وأعتقد ان مفيش لازمه لوجود اعتذار على كلام جميل فلو أعطى شخص لاخر ورده فانه لا يعتذر له وأنتى صاحبة أجمل الورود


      أان الى بعتذر لانى رديت قبلكده والسرفر وقع فالردود متسجلتش

      واعرفى ان أصعب ما يقتل النفس أن الام تلوم ابنها على حاجه هو ملوش يد فيها

      شكرا لكى انسانهعلى تواجدك الذى اتمنى ان لاينقطع وأن يستمر كالنهر الجارى يسقى الزهور بمدونتى فإن انقطع نبعه ذبلت زهوره

      تحياتى لكى

      حذف
  7. التعليق لم ينشر

    لكنى أتمنى دوام التواصل فوجودك أصبح ملموس وعدم وجودك يعنى عدم وجود المدونة فأنتى جزء منها وهى لكى

    شكرا على تعليقك وبعتذر لعدم نشره لانه هتعبره لى انا بس وطبعا الرد ده لانى مينفعش اهمله


    تحياتى لحضرتك

    ردحذف
  8. التعليق لم ينشر ايضا

    لسببين مش بحب إن حد له قيمة كبيره عندى ويعتزر عن حاجه انا مش شايف انها غلط ومفيش ابن بيزعل لما والدته تلومه فى حاجه أيا كانت ..
    علشان كده أنا اعتبرت ان الرسالة شخصية بس دى الوسيلة الوحيدة الى اقدر ارد بيها على الرسالة
    الأخت ندى الربيع لا اعلم سبب توقفها عن التدوين وخصوصا أن موضوعتها جميلة
    وأنا سعيد جدا ان مدونتى نالت رضاكى رغم الكلام الى بعتبره انه كبير على مستوى مدونتى وعلى شخصى ذاته وعجبتنى طريقة سردك للقصة وخصوصا كلمة أنت فاهمنى هههههههههه
    وأتمنى بجد انى الاقيكى بتكتبى وفكره كويسه من ندى انك تكتبى معاها هتبقو دويتو جميل
    وبعدين من حظى الجميل دخولك لعالمى الصغير الى نورك بيزوده بهجه وممكن أكون انا الى دوشتك لكنى بكون سعيد جدا وانا بتناقش مع حضرتك
    وأنا الى مش عارف أقولك ايه على وجودك وتعليقاتك الى بتفوق جمال الموضع ذاته وليس هناك ضغط من أجل وجود احتمال بل أجد فى تعليقك نزهه فى عالمى الخاص تزيده بهاءً
    تحياتى لكى وشكرا على القصة الممتعه الى بجد اعتز وافتخر بها كثيرا انا هحفظها بالمدونة دون نشر فانا أحب ان اعتبرها رسالة من أم لابنها أفضل من كونها تعليق

    سلمتى من كل شر وبارك الله فيكى ............’

    ردحذف
  9. وفيك بارك الرحمن حقا انت ابن ونعم الابن ربنا يبارك لك في عمرك ياقلرب
    ويحقق لك كل اللى بتتمناة من خير .
    اما حكاية انت فاهمنى دى لازمة في كلامى ومعلش دخلت عفوا في الكلام
    وندى الربيع لها كل احترامى ولكنى انا لست شاعرة انا قارئة فقط
    وكلماتها الرقيقة المعبرة غذاء للروح فمن هنا اقول لها ايتها الحميلة
    ذات القلم القلم المميز وحشتينا اْشتقنا لكلماتك الرقيقة.
    اما حكاية جمال ابو العز فانا اعتز ويكون لى الفخر انة يوصفنى كاْم لة
    فابلرغم من انى اربكت لك مدوناتك وجعلتها مليئة بالاحاديث الا انى لم
    اجد منك غير ردود كلها مليئة بالزوق والاحترام فسلامى وتحياتى لصاحب
    الاخلاق الراقية والكلام المهذب.
    ومن قلب الام ادعوا لك بان يرضى الله هليك فقد فاز بالدنيا والاخرة
    رضى الله عليك وعلى كل البشر اللهم امين
    انسانة

    ردحذف
    الردود
    1. إنسانة

      الازمة الى عند حضرتك بقولها أحيانا كثيره فى كلامى ولذلك ضحكت لما كتبتيها .
      وبعدين مش كل المدونين شعراء قد يسطر كلمات هو يشعر بها فتنتظم مثل الشعر لكى نحكم أن مدون شاعر فهذا يحتاج لعلوم كثيره فى اللغة ومعرفة ببحور الشعر.
      والشرف لى طبعا انى اوصفك بأمى حضرتك انسانه تستحقى كل تقدير واحترام
      وعلى فكره عمرك ماربكتى مدونتى لانى مش بحكم على اهمية الموضوع بالتعليقات الى عليه انما الى بيسعدنى أكتر اذا كان التعليق فيه مناقشه فى نقطه معينه بس طبعا ده ميمنعش انى بكون فى قمة سعادتى لما بلاقى أد احبائى المدونين كاتب تعليق لانى بحس بوجوده فى عالمى والكل مرحب به هنا ما دام يلتزم أدب الحوار
      فياريت لو تقدرى تملئيها بالاحاديث أكتر فإملئيها فكل تعليق لكى ولاى مدون هو ورده فى جنابات مدونتى وأنتى تمتلكي أفضل الورود
      ربنا يرزقك بمثل ما تدعين ويبارك لكى وفيكى
      تحياتى لكى امى الغالية

      حذف
  10. لفت نظرى دلوقتى الجملة دى فكرة كويسة من ندى انك تكتبى معاها هتبقوا دويتو جميل
    اولا يشرفنى معرفتها بس انا فعلا معرفهاش ولاحصل بينا اى كلام ولا هى عرضت عليا الكلام اللى حضرتك
    ذكرتة ومش عارفة انت لية قلت الكلام دة نعم يشرفنى معرفتها او معرفة اى حد هنا فالكل هنا منتهى الاحترام
    بس والله لم يحدث بيننا اى تبادل للكلام يمكن انا قلت حاجة وانت فهمتنى غلط ؟ مش عارفة
    وعلى فكرة انا لاانفع ولا اكون شاعرة ولاحتى مدونة ههه يعنى وكمان الظاهر دخولى هنا جة غلط..
    تحياتى واحترامى

    ردحذف
    الردود
    1. إنسانه
      انا فعلا فهمت الكلام غلط بس ده مش معناه انك متنفعيش مدونة
      ممكن تكون الكتابه موهبه أو فن لكن ممكن تكون فكره يعنى بتنقلى احساسك بموضوع معين للقارئ او لذات غالبية المدونين بيكتبوا علشان يخرجوا الى جواهم يقولوا حاجات مش عايزين يقولوها غير لنفسهم او مع غيرهم
      ووجودك هنا شرف كبير لى ولأى مدون تتواصلى معاه فحضرتك قمة فى الزوق والرقى وأتمنى من الله أن يبارك لكى فى صحتك وحياتك كلها وتنورينى ديما

      حذف
  11. اكتر ما اتمنى ان يقال لى هذا الكلام من حد محترم مثلك حقا ابنا كريم اشكرك لك جزيل الشكر والاحترام
    واشكر احساسك الطيب ويعطيك ربى مثل دعائك واكثر امين
    كل التحية والاحترام لك ابنى الكريم

    ردحذف
    الردود
    1. كم يسعدنى أن أجد انسانه فى منزلة أمى وتحمل كل هذا الحب

      سلمتى لى يا رب وربنا يكرمك ويبارك فيكى ويديم المحبة والتواصل

      حذف