03‏/11‏/2013

القانون الإسلامى x القانون الوضعى


فيه سؤال صغير انا سألته لنفسى ولما فكرت فى الإجابه لقيتها واقعيه جدا
بس المشكله ان فيه ناس جاوبت عليه قبل متسال نفسها الصح فين...!

يا ترى ليه كلمة القانون الإسلامى بتزلزل أوصال البشر؟
ليه لما بنقول القانون الإسلامى الناس بتفتكر قطع الرقاب وبتر اليد ورجم الذانى؟
ليه الاعتقاد إن القانون الإسلامى هو حابس الحريات ؟
يا ترى القانون الإسلامى (تشريع إلهى) أفضل ولا القانون الوضعى (تشريع بشرى) ؟
يا ترى القانون الإسلامى أرحم ولا القانون الوضعى ؟

     إذا حبيت تفكر معايا انا متأكد ان هيوصلك حاجه كانت غايبه عنك .وإذا محبتش فده اختيارك بس كل لما يقولك حد هنطبق القانون الإسلامى هتبقى خايف.

    قبل منفكر مع بعض عايز أقولك حاجه صغيره إنى بكون سعيد جدا لما بلاقى انسان يقول يا ريت الشريعه تتطبق  بس بكون حزين لما بلاقيه بيقول كده حبا فى الدين فقط وبدون فهم ويظل عنده الإعتقاد بحدية القانون الإسلامى وصلابته وكنت حزين جدا انى لقيت ناس بتتدعى تطبيق الدين وهو لم يتجاوز حناجرهم فلم يطبقوا شيئا منه بل خالفوه فى ابسط تصرفاتهم وعقائدهم واستغلوه لاطماع دنيوية .
 بسم الله نبدأ  
    أنا فى دراستى للقانون الوضعى وبما أنى خريج كلية الحقوق لقيت انه قانون دائم التغير دائما يحوى خلل ما فى التشريع (صدور القانون) أو التطبيق (تنفيذه) . مقارنة بالقانون الإسلامى فانه لم يتغير منذ قرابة قرن ونصف.
    القانون الوضعى عقوباته بتتحدد تبعا للمادة القانونية ودائما ليها حد اقصى وحد أدنى للعقوبة دا غير الكلام عن روح القانون وأحيانا الأحاكم العرفيه . على الوجه الأخر نلاقى الإسلامى العقوبة واحده سواء كان حدود أو معاملات أو غيره.

    طيب ليه الناس أول مبتسمع كلمة اسلامى بتخاف لو سالت أى واحد حتى لو بيحب الدين بس شخص عادى وقولتله أنت ليه بتخاف من القانون الإسلامى أول حاجه هيقولك دا الى بيقتل رقابته بتتقطع بالسيف والى بيسرق ايده بتتقطع والناس هتعايره والى بيزنى هيترجم ويتفضح ولو مش متجوز هيتجلد قدام مسجد ويتفضح كل الردود هتبقى كده طبعا . وانا بنفسى سالت ناس كتير نفس السؤال وده كان الجواب وكله تقريبا واحد.
    طيب أنت مش بتعمل الغلط والحاجات دى تخاف من ايه بقى أنت تقتل أو تسرق أو تزنى أو تنصب او تقطع طريق ليه طبعا البعض هيقول ميمكن أبقى محتاج ومحدش يساعدنى واسرق فيتقطع ايدى . طيب أنت عارف حكم الإسلام فى الحالة دى ايه يا اما هيقول قطع الإيد أو معرفش.
    أنا هتكلم عن فكرة ربط الدين بحبس الحريات فى النهاية وهفكر أى القانونين أفضل وأرحم الإسلامى ولا الوضعى انا هعرض لأشهر ثلاث عقوبات والى ديما الناس بتذكرهم أول ميسمع تشريع اسلامى وكل العقوبات دى جنايات أو حدود
    العقوبات التلاته (القتل - السرقه - الزنى أو البغاء)
    لو اتكلمنا عن القتل طبعا القانون الوضعى وضع عقوبة للقتل تبدأ من سنة مع ايقاف التنفيذ لحد اعدام وطبعا فيه سبع ضمانات لتطبيق   حكم الاعدام فى القانون وإذا مش هنطبقه لإختلال إحدى الضمانات بنزل العقوبة لتابيده ويفضل فى السجن طول عمره أو خمسه وعشرين سنة الى هى بتعادل بره السجن 18 سنة ونص ويخرج اذا كان سلوكه قويم .
     يا ترى انت مش شايف إن الاعدام أحسن من الخمسه وعشرين سنة لو داخل شاب هيرخ مسن وعالة على الناس والمجتمع والمحتمع هيرفضه ولو طفل هيخرج مجرم محترف ولو شيخ مش هيخرج الا على الحانوتى  يعنى هيخرج ميت برضه طبعا ممكن تقول السجن أحسن بس خير مسجون بقاله 15 سنة تموت ولا تكمل وشوف هيقولك ايه . 
    التشريع الإسلامى من قتل يقتل أو يدفع الديه مسلمه لاهل المقتول يعنى يا يرتاح من الدنيا يا إما يدفع تمن حياته وليس حياة المقتول لان نفس المؤمن حرمتها اشد من هدم الكعبه طيب ايه الشروط انه يجى عليه شاهدين أو يعترف طيب مفيش شاهدين ومش معترف يبقى الطبيعى مش قاتل وطبعا حتى لو شاهد واحد يبقى انهى أفضل...؟
    طيب بالنسبه للرحمه بقى الإعدام بيتم عن طريق المقصله فى السجون (الليمان) طيب ايه الى بيموت المحكوم عليه يا ترى الخنق ولا حاجه تانيه طيب لو حاجه تانيه بيموت إزاى هقولك المحكوم عليه مش بيحس بالخنق أساسا لان السبب فى الموت هى العقدة الكبيره الى بتبقى فى الحبل الى هى دى
    والعقدة دى بتقطع النخاع المستطيل الواصل بين المخ والنخاع الشوقى فتوقف المخ والقلب مع بعض يعنىسكتة دماغيه وسكتة قلبية فى نفس الوقت وقرأت ان دى ممكن احساس الالم فيها حوالى 10 الى 15 ثانيه .سريعه صح 
    وفيه بقى فى امريكا اللإعدام بالحقنة السامه وطبعا انت تتخيل مقدار الألم والمدة التى يستغرقها تطبيق الحكم وكذلك يوجد كرسى الكهرباء والذى يكون مقدار الكهرباء به 2000 فولت وتخيل الالام المبرحه فى الاماكن المرحرحه دا غير ان الكرسى ده بيحرق المناطق المتصله بيه من جلد الإيدين والارجل والظهر وجلد الجمجمه بالكامل يعنى بيبقى المحكوم عليه نص سوه . تعذيب صح
    طيب الحكم الإسلامى الى هو ضرب العنق بالسيف ده بقى ايه ظروفه ممكن نقول ان بمجرد ضرب السيف للرقبه الرقبه بتكون ودعت الجسم فى غيبوبة مفاجئه يعنى المحكوم عليه مش بيحس باى حاجه خالص بس منظر الدم هو الى بيهول الموقف بالنسبه للى بيشاهد وده مفروض انه عظه للى بيشوف تطبيق الحكم وعلى فكره احيانا راس المحكوم عليه بتنفصل عن جسمه أثناء تطبيق حكم الاعدام بالحبل فى السجون يا ترى عرفت مين أرحم فى الحكم .......؟
    جريمة السرقه فى القانون الوضعى المتهم بيتحكم عليه بالسجن وطبعا فيه ظروف بتشدد العقوبة وظروف بتخففها لكن فىالنهايه بيدخل حرامى غسيل يطلع حرامى خزن مهما طالت مدة السجن ولازم يشهد عليه اتنين او راجل واتنين ستات طيب لو كان بيسرق علشان ياكل دى مش فارقه فى القانون الوضعى الا بمزاج القاضى أو كما يسميها القانون اعمال راى القاضى يطبق روح القانون أو يطلع روح المتهم المهم فى اقلانون الوضعى انه سرق مش مهم ليه وزى مقولت السجن مؤسسه تصيع وانحراف 
    طيب القانون الإسلامى بقى هتقولى تقطع يد السارق طيب انت عارف ان الفقهاء مختلفين فى كيفية تطبيق الحكم هل هو بتر أم قطع لتعطيل اليد فقط طيب مسالتش نفسك ايه الضمانات لتطبيق الحكم ده انت تعرف انه لو ختل شرط فى الشهاده الحكم مش بينطبق وبيبقى اتبرا تعرف لو واحد الناس شافوه معاه المسروقات وقال أنا مسرقتش مينطبقش عليه الحكم ويتبرا مش يتسجن زى القانون الوضعى طيب تعرف لو بتسرق علشان تاكل أو تلبس أو تشرب والناس مش بتساعدك بيتصرفلك فلوس من بيت المال (وزارة الماليه حاليا) ومش بينطبق عليك الحكم حتى لو اعترفت انك سرقت علشان تاكل تعرف ان الحكم لما بينطبق بيكون على الأيد الى مش بتستعملها فى شغلك  دا طبعا لو انطبقت الشروط دى برضه نادر ما تنطبق بس لو ايامنا الى احنا فيها كانت هتنطبق بس برضه مش كتير يعنى محدش هيدخل مؤسسه ويطلعك مجرم عن الاول انما بيعاقبك فقط إذااا انطبقت الشروط..إذا انطبقت.! يا ترى مين ارحم هنا؟
    طيب بالنسبه بقى للحكم الى بتقشعر منه الأبدان ويطير بسببه الشعر من الرأس وتبقى صحراوى الى هو الزنى أو البغاء طبعا القانون الوضعى يقولك متلبسه حتى لو الى ماسكها راجل واحد تتسجن ويتفضح أهلها ومش مهم تتوب او لا وطبعا اتفضحت هتتوب ليه الا لو ربنا هداها والعقوبة بتوصل ل3 سنوات وهنا برضه بتدخل السجن غلطت مره بتطلع علشان تفتح نادى لممارسة الرزيلة وطبعا القانون مش بيفرق هى متجوزه أو لا الا انها لو متجوزه لازم جوزها يرفع القضيه بنفسه .
    القانون الإسلامى مختلف تماما لانه بيفرق بين المحصن ( المتزوج) وغير المحصن وده طبعا قمة العدل لان المحصن ليس له حجة فى ارتكاب الفاحشه بس يا ترى التطبيق بيكون إزاى طبعا كل الجرائم مطلوب شاهدين الا هذه الجريمة وذلك لصعوبة العقوبة حيث لا بد من توافر اربع شهود اذا توافر اقل من ذلك حتى لو ثلاثه لا تطبق العقوبة ولو شاهدين لا تطبق العقوبة ايضا حتى لو اعترف من قام بها فلا بد ان يشهد على نفسه اربع شهادات كما فى قصة ماعز بن جبل (ابحث على جوجل) وكده طبعا اذا اكتشف الجريمة شخص أو اثنين فلا عقوبة ولو كان الفاعل ضبطه اربع اشخاص ولم ياتى بالفعل انما بمقدماته كالخلع دون اتيان الفعل ذاته فلا يعاقب بالرجم وطبعا شدة العقاب الرجم حتى الموت هو الى استوجب شدة الشروط واعتقد ان شروطه ايضا صعبه التكوين جميعها ولو حصل والشروط اتطبقت طبعا الى بيترجم لازم بيغادر لبلد محدش يعرفه فيها ومعاه قوته والى يعيشه وده علشان شكله الإجتماعى ويتوب الى الله والى بيترجم ربنا بيرحمه وليس ادل على ذلك من قصة (ماعز بن جبل) عندما تحدث عنه أحد الصحابه مع رفيقه وسمهما سيدنا محمد ومر بجيفه وأمرهما أن ياكلا منها فأنفا ذلك وقال لهما رسول الله أن ما يقولانه أشد عند الله من أكل الجيفه وأنه سمع ماعز وهو يتتطهر فى انهار الجنه ولو قرات القصه ستعلم تفاصيلها وهنا أيضا يتضح أى القانونين أفضل وأرحم .
    لو وضعنا مقارنه لوجدنا ان الشريعة الإسلامية تضع عقوبة صعبه ولكن ايضا شروطها صعبه التجمع بعكس القوانين الوضعيه عقوبة سهله وشروط أسهل وعند تطبيق العقوبة نخرج مجرم اشد اجراما بينما الشريعة الإسلامية اما البرائه أو التطبيق وعودته لحياته مره أخرى ويكفى بالعقوبة وألامها إذا استجمعت شروطها رادع له .
    قد تقول بعد قراءة ما سبق إن الاحكام الإسلامية فيها نقطة تعتبر ثغرات أو نقطه رخوه وهى عند انطباق بعض الشروط دون الاخرى فإنه يتبرا وكأنه لم يفعل شئ فأقول لك إن التشريع الإسلامى وضع عقوبات تعزيرية وهى اخف أنواع العقوبات وقد يوضع وسيلة للتأديب وليست للعقاب من قبل القاضى ويكفى بكن يشاهد تطبيق تلك العقوبات رادع له ولمجتمعه باثره.
   ممكن واحد يقول المحامى الى يدافع عن القاتل ده حرام عليه بيضيع حق المقتول وممكن نقول انه واقف مع  الظالم  للأسف الانواع دى كترت جداا لكن متنساش ان الى بيدافع عن المجنى عليه محامى برضه والى واقف علشان ياخد الحق لصحبه محامى برضه .فيه حديث لسيدنا محمد عليه الصلاة والسلام " إدرئو الحدود ما استطعتم" صدق رسول الله صلى الله عليه وسلم أنا لا أعلم مدى صحة رواية هذا الحديث ولكن هناك موقف يؤيده وهو محاولة درء الحدود يعنى محاولة ايجاد الى مخرج شرعى دون تزوير للقاتل وأيضا لما اعترف ماعز على نفسه مره واثنين وكان رسول الله يقول له ارجع وتوب ولما شهد الرابعه سال هل به جنه(جنان) وكان يستطيع سيدنا محمد تطبيق العقوبة من المره الأولى أو الثانيه لكنه حاول أن يجد له مخرج من التطبيق لعله قبل فقط أو تلامس فقط ولكنه شهد بالفحشاء كامله فكان التطبيق إذا لا نعيب عن من يحاول تخفيف العقاب أو تبرئة المتهم المهم لا يستخدم أساليب محرمه كالتزوير وغيره واهدار حقوق المظلومين بالباطل  .
    طبعا في المعاملات يكفى ان أذكر موقف الربا فى القانون الوضعى والإسلامى فالقانون الوضعى لا يعترف بالربا إلا إذا تجاوزت الفائدة يعنى البنك فائدته 10% وأنت هتقرض شخص بالفائدة دى ده عادى مش ربا طبقا للقانون الوضعى انما لو 12% بتبقى قضيه فى القانون الإقراض بفائده  ربوية التشريع الإسلامى بيعتبر كل انواع الفائدة ربا مهما بلغت ضئالتها وهنا ايضا دليل على ثبات التشريعات الإسلامية وليونة القانون الوضعى فى بعض المعاملات 
    وفى الأحوال الشخصية أيضا فى القانون الوضعى نحتاج لقانون المراه لكى نحمى المراه ونحتاج لقانون الطفل لكى نحمى الطفل ونحتاج لقانون النفقه والطلاق وغيره إنما فى الشريعة الإسلامية النصوص واضحه اذا طلق امراه فهى معه فى البيت حتى انتهاء العده لعله يردها ولا تخرج من بيتها قبل نهاية عدتها الا فى الطلقة الثالثه ان لم يكن لها سكن فعليه توفير السكن وكل ما يلزمها هى وأولادها حتى أخر عمرها فهى ملزمه منه ولكن ما يحدث فى المحاكم اليوم ضرب من السخرية بين الزوجين حيث اصبحت المحكمة وسيلة تهديد للزوجين بدل أن تكون وسيلة لتفاوض وحل سلمى لما يدور بين الزوجين فهذا يهدد بالطلاق وهذه تهدد بالخلع .
    الجزء الاخير القانون الإسلامى والحريات هفكرك بحاجه فى البدائة ان القانون الوضعى بيحبس حريتك لو طبق حظر تجوال بيحبس حريتك لو عملت فعل فاضح بيحبس حريتك لو كسرت الأداب العامة وده كله لصالح المجتمع وده نفس الى التشريع الإسلامى شرعه متعملش فعل خارج عن الأداب العامه وإلا تعاقب وطبعا العقاب علماء الدين أدرى به.
    ولكن أول حاجه بتيجى فى عقل الناس بالنسبه للحريات الإسلام فرض الحجاب والى مش هتلبس حجاب مش هتدخل جامعه ومش هتمشى فى الشارع وغيره وطبعا علماء الدين الممكيجين الى بيظهروا اليومين دول خلوا النقاب فرض . أنا بحب الإحتشام جدا سواء للولد او البنت والحمد لله أنا فى بلد كل نسائها محجبات بس مش بالع حكاية ان النقاب فرض مع ان النقاب ستره وكل حاجه بس للى تحبه وإذا كنا فى مجتمع المجرمين مش بيستحوا يستعملوه فى الجرائم يبقى النقاب الشبيكه أحسن أو الى يبان ان الى تحته مش ست بشنب لانه مبقاش ينفع يتسمى راجل  يبقى فى الحالة دى النقاب مش فرض وواجب وأبسط دليل فى الحج الى لابسه نقاب بتخلعه.
    نيجى بقى للى مش بتلبس حجاب وفى الغالب الإنتقاد بيكون ان الإسلام هيلبسها غصب مأعتقدش ان بنت مش مسلمه ممكن الإسلام يلزمها بتعاليمه مادامت لم تخرج عن الاداب العامه فى كافة الأديان ومش بتعمل فعلفاضح أما المسلمه فأكيد فيه نصوص دينيه اذا كان هى مقتنعه انه صح فمحدش هيلبسها غصب واذا مقتنعه إنه مش صح وان ده له عقاب عند الله فهى برضه أدرى بده لكن فى النهايه لما الناس تراعى ربنا فى حياتها ربنا بيهديها للصح حتى من غير متحس وده فى كل تعامل فى الحياة يعنى الإسلام تربية وتشريع مش اجبار ما دمت ماشى محترم مش بتحاول تئذى غيرك أكيد محدش هيطالبك بحاجه .
    هنا ممكن أقول أنى لما فكرت وصلت لنتيجه إن التشريع الإسلامى هو فعلا أفضل التشريعات على الأرض وارحمها بالإنسان وإن بعد الإنسان عن التشريعات دى وتطبيق العقوبات فى الخفاء هو الى جعل الناس تخاف من العقوبات دى ويعتقد الشخص انه لو اتقلب على سريره رقابته هتتقطع وف النهاية إذا أنت انسان سوى فأعتقد أن مفيش أى عقوبة هتطولك طول حياتك وإذا لم تكن سوى فلا تلومن الا نفسك.
    والنقطه الأهم إن مفروض الى بيطبق الأحكام دى وينادى بيها ناس بتعمل كده علشان اخرتها مش علشان تكسب الشعب وتعمل أحزاب وتستغل كلمة الدين فى سياستها وتستغل المقدسات الإسلامية فى اغراضها الدنيوية مفروض اننا نسمع لمن يطالب بالتطبيق .إذا لم نجد بريق الدنيا فى عينيه.

 أنا بعتذر عن الإطالة وإن كنت أصبتك ببعض الملل ولكن أتمنى ان تكون فكرتى وصلت لذهنك 
وأن يكون موضوعى مقنع ولو بعض الشئ بالنسبه لك
وتكون توصلت لمن الأفضل
تحياتى لك

هناك 20 تعليقًا:

  1. أولاً أحييك على مثل هذا الموضوع الشيق
    فى الأول حسيت أنه موضوع طويل وأنا مش بحب القانون ولا كلية الحقوق أصلاً لأنها مش على حق زى ما كانت زمان الناس اللى فيها غيروا فيها كتير ولأنى بحس ان معظم المحاميين بيلعبوا بالقانون على مزاجهم وانهم معندهمش ضمير وكله عشان يكسبوا وبس يعنى من الآخر قانون بلا دين ....
    بس موضوعك شيق بجد خلانى أكمله للأخر وشجعنى أكمله أسلوبك البسيط المنظم فى الفقرات وعلى فكرة انت لو بتعمل فى مهنتك محامى يعنى هتبقا محامى ممتاز وذكى بس بالدين الصحيح لأن أفكارك كويسه ومنظمة ومتدينة بطريقة سهلة متزهقش وأشهدلك أنك تعرف تكتب مذكرة كويس أوى وده من فطنتك فى القانون أياً كان نوعه
    وأنا معاك فى الرأى القانون الإسلامى أفضل وأرحم بكثير من القانون التشريعى بس يستخدمه رجل قانون عادل لا يسعى وراء الشهرة والمجد وكسب المال وكسب البشر والسلطة فى صفه ، وانت شرحته بطريقة بسيطة وممتعة .
    تحياتى لك وتمنياتى بالتوفيق ؛؛؛؛؛

    ردحذف
    الردود
    1. ندى الربيع
      أنا الى بحيكى على تواجدك المستمر وتشريفى بالزياره
      بس بداية مش بحب القانون ولا كلية الحقوق على فكره الحق موجود ديما حتى لو فى العرف الخاص بين الناس بس المشكله ان المحاماه مستواها تدنى بسبب نوعية المحامين الى موجودين دلوقتى وبالنسبه للعب بالقانون فكل تشريع فيه لعب بس المهم ان اللعب ده ميضرش حد ولا ياخد حق حد ولا يظلم حد يعنى لعب فى النور مش الضلمة . أنا حبيت دراسة القانون جدا مش عايز اقولك انه دراسه شامله لمعظم نواحى الحياة وفى عصور كتير وصوابعك مش زى بعضها .
      وبالنسبه إنك قراتى الموضوع كله فانا بحييكى على صبرك للقرائه لانى متخيلتش انه هيطلع طويل كده وللأسف انا لا أمتهن المحاماه فعليا ولكن هذا لا يمنعنى عن حب دراسة القانون عموما وبشكرك على كلامك الجميل وإن كان فيه مبالغه وربنا يسلمك من كل شر ويبعد عنك سكة المحاكم :)
      والحمد لله إنك توصلتى لنتيجه وفعلا القوانين سواء اسلامية أو وضعيه تحتاج لرجل عادل

      تحياتى لكى مره أخرى على صبرك وتواجدك الدائم

      حذف
  2. ثقافة مجتمع
    او الي انت تقابلهم من الناس الي المفروض انهم بيعرفوا ربنا اكتر منك وتلاقيهم بيعملوا الغلط تحس ان كلهم زي بعض
    علي اساس ان الحسنة بتخص والسيئة بتعم

    ردحذف
    الردود
    1. رحاب صالح

      أسعدنى مرورك كثيرا وإن كان هناك تلك الأنواع من البشر فاعتقد أن الله يكشف كيدهم سريعا
      ومثل هؤلاء هم الفتنه فى حد ذاتها
      أما قانون الحسنة بتخص والسيئة بتعم فهذا قانون جائر بعض الشئ فالله جعل السيئة بمثلها والحسنة بعشر أمثالها

      تحياتى لمرورك
      ومورانى ديما باطلالتك

      حذف
  3. تصفيق حاااااااااااااااااااااد

    ربنا يكرمك

    تدوينة فوق العادة لمدون فوق العادة

    ردحذف
    الردود
    1. شمس النهار
      التصفيق الحاد من نصيب حضرتك بتدويناتك الرائعه وعجبتنى حكاية العصافير فى أخر تدوينة :)
      وبجد أنا سعيد جدا أن التدوينة عجبتك وبعتبر التعليق ده النجمه التالته للتدوينة

      حذف
  4. طبعا عجبنى الموضوع جدا اثرائك له بمقارنات جميله اوى
    هكلمك ببساطة وبالبلدى لانى ببردو ببساطة وبالبلدى لاانا من اهل علوم الدين ولا من اهل القانون

    ببساطة انا وكتير زيى اعرفهم واثقين فى شىء هو ( ان التشريع الأسلامى هو تشريع الله وهو الاكمل بلا جدال اكمل من الماديه او الروحانيه بكل عقوباته اللى شيفنها او ناس بتشوفها صعبه جداااااااااا )

    ازمتنا عمرها ماكانت معه ازمتنا فى اللى هيطبقه ببساطة بمعنى هل عندنا اشخاص هتبطق روح التشريع زى ماديته ؟؟؟ سيدنا عمر الرائئئئئئئئئع لما سرقت عمامته فى السوق جرى وراى السارق يقله اشهد الله انه سمححتك فيها وانها بتاعتك قول قبلت ... فى الوقت اللى كان ممكن يجرى هو وغيرة ويجيبه ويطبق عليه الحد ... لما اتفرج على صورة لا اذكر بلدها ولا عايزة اذكرها الحقيقه تقريبا السودان والله اعلم ست رجاله رجليهم واديهم مقطعين من حلاف ؟؟؟!!!!!!!!!!!!! طب هما لقوا ايه ومعملوش الصح وفى فقر قااااااااااااااااتل ؟؟؟؟؟؟!!!!!!!!!! انا شخصيا ماعنديش ثقه فى ولا شيخ ممكن يطبق الشريعه اللى شوفته السنتين دول كان كفيل يقضى على ماتبقى منهم رحم الله استاذنا الشعروى رحمه واسعة ... ياريت التطبيق هيكون على قد الزنا يمكن دى الحاجة الوحيدة اللى اتفقت معاك فشرحها الحقيقة الباقى بالنسبه ليا مش مفيد او مؤذى اوى فى شىء انا بقيت على قناعه ان اهل الدين اغلبعم مريض نفسيا ودا ياما من اللى بشوفه من احداث من معرفتى بشخصيات تتدعى التدين بينما انا اعرف مدى قذرتها انا مازلت على يقين ان الشريعة كمله مكمله اما نفوس من سيطبقها تميل للهوى فى زمن وعصر غلبت الاهواء كل شىء يا فرحتى اقطع ايد سارق مش لاقى يجيب لبنته علاج ولا ياكل ولا يتجوز وبعدين احنا مش هنخترع مادول بلاد برا كلهم قوانين واهم مش مسلمين واديك شايف مدى الاحترام والمحافظه على الحقوق اه مش جنه وفى سقطات وفى بعض التجاوزات بس كام بالميه ؟؟؟

    انا بشكرك جدااااااااااااا على الموضوع الجميل دا اوووووووووووووى

    ردحذف
    الردود
    1. مارو

      كلنا كمسلمين مقتنعين ان التشريع الإسلامى هو الافضل لكن أنا بيكون عندى المسلمات صعبة الفهم احيانا فبحاول الاقى ليها تفسير وسبحان الله كل حاجه فى الدين الإسلام ليها تفسير علمى بحت يعنى مش مسلمات زى ممعظم الناس فاركين لو سالتى حد انت بتتوضى ليه هيقولك طهاره بس العلم أثبت ان الوضوء هو أفضل وسيلة للنظافة الشخصية غير انه منشط للجسم وله فوائد تانيه كتير مثل عدم الحسد وعدم الإصابه بالمس الشيطانى وده كمان من ناحيه علميه
      انا فكرة البوست ليه التشريع الإسلامى أفضل
      وأنا معاكى إن للأسف الى بيعطى معنى صعب للحكم الإسلامى هو الشخص الى بيطبقه
      ويمكن مش تصدقى لو قولتلك إنى كنت هتستشهد بقصة عمر بن الخطاب بس حاولت اقصر الموضوع على قد مقدر
      أنا مختلف معاكى كونك بتعتبرى ان المشايخ الموجودين كلهم بلا استثناء كفيل ان يقضى على الدين معلش مش كل واحد يتكلم فى الدين ههو أهل له حتى أنا وأنتى بس لو سالتى ناس درست الدين صح وللأسف دول وجودهم فى التلفاز قليل جدا هتلاقيهم ناس متنورين جدا ويحببوكى فيه على عكس الشيوخ المصنعيه
      لو عايزه تشوفى شيخ محترم ويستحق المرتبه الثانيه بعد الشعراوى الشيخ أحمد عمر هاشم
      وعلى فكره أنتى بتتكلمى عن قطع يد السارق وهو محتاج للعلاج أو اأكل ومحدش بيساعده لو راجعتى أحكام الدين هتلاقى ده بيعفى من العقوبه وبيتصرفله من بيت المال الى بيغنيه وطبعا الحكومة تعاقب ومتصرفش ولو اتكلمنا على الدول الاوروبيه ناقصهم الشهاده والبعد عن الزنى ويبقوا مسلمين للأسف هم يحترمون الكبير ويجلونة ويعطفون على الصغير ويهتمون بالنظافه ومعظم الأشياء فى ديننا

      تحياتى لكى على المرور وأنا سعيد ان الموضوع عجبك

      حذف
  5. طبعا اعرف احمد عمر هاشم كويس بس حتى يظهر المتنورين اصحاب طبيق بنود وروح الشريعه انا رافضه تطبقها على الاقل دلوقتى ... هنا النقطة بئا هتقام حدود للحدود وللردع السارق هيطقع ايده علشان الناس تخاف ومن غير النظر لاى اعتبارات تعفيه من دا الحقيقة اللى شوفتهم منهم ومن مريديهم دليل على كدا ... اه طبعا انا معاك جدا فى ان مش كل من تكلم عن الدين هو اهل له ( بعيدا عنى لانى ماليش فيه غير اللى بيمشينى فى الحياه ويقربنى من ربنا ) لكن لما يجى واحد زى عبد الله بدر والمفروض انه استاذ فى جامعه الازهر زيعمل مليونيه كم واحد اعتلاكى !!!!!!!!!!!!! ماتقوليش انه مش أهل للدين لو مش اهل يبئا لازم الازهر يرفدة ويتحاسب لو مش اهل دا على سبيل الميثال وفى منه كتييييييييييييييير الاكيد عندى مابئاش حد مأتمن على الدين او مضمون كلهم بشر وكلهم نفسهم أمارة واغلبهم بيتبع اهوائه وشهواته إلا من رحم ربى ودا قليل جدا للاسف ... انا رافضه تطبقها على الاقل حاليا حفاظا على دينى لان دول هيشكلو الدنيا بناء على نفوسهم والتجربه اثبت دا للاسف وبقولها وانا حزينه مثل بسيط اوى او حاجة هيعملوها هو عدم بناء كنائس للمسحين بالرغم ان مافيش حاجة فى القرأن او السنه تقول كدا واللى حصل بعد فتح مصر كان قرار سياسى بحت من عمر ابن الخطاب رضى الله عنه وارضاه وله اسبابه وبرضاء اهل مصر ورهبانها تبادل منفعة ياعنى وخلاص سقطت بسقوط البشر وتغير الازمان انما لان فى كره فى قلوبهم حاجة زى دى بتتفسر على انها شىء من الدين بالرغم ان عمر كان هيصلى فى الكينسه وتراجع خوفا انها تتاخد عادة من بعدة معنىخوفه ان هيفضل فى كنائس ليوم الدين مثلا او لزمن ما ... هيحصل نتيجة النفوس المريضه الهوائيه بسم قوة وسطوة الدين تشويه للاسلام ... ودا حصل فى اروبا ايام الحكم الدينى رغم ان الدين المسيحى بسيط جدا وسمح جدا إلا ان اهواء البابوات وشذوذ بعضهم النفسى ومصالحهم عملت بلاوى لذالك هيظل فى الاسلام أهل علم لا رجال دين

    يارب يكون قصدى وصل كما اريد :)
    انا اللى بشكرك جدا بجد وديما مستمتعه بكتابتك فعلا والله يا جمال

    ردحذف
    الردود
    1. أنا سعيد جدا بالرد بتاعك ومتفق معاكى فيه أنا عملت ده كنوع من المقارنه بين القانونين لكن طبعا لو هنطبق القانون الإسلامى يبقى مش اى حد يطبقه وامثال عبد اله الى بيقول إحنا بتوع ربنا ويسب ويقذف الناس بالباطل ده مفروض ميتنسبش للدين اساسا

      تحياتى لكى ومنورانى ديما

      حذف
  6. صحيح كل سنه وانت طيب يا جمال يا رب راس سنه هجريه سعيدة عليك وعلى جميع احباك وسنة جميله يارب

    ردحذف
    الردود
    1. كل سنة وأنتى بخير وصحة جيده وربنا يجعلها سنة سعيدة عليكى وعلى المسلمين أجمعين

      حذف
  7. إزيك جمال لعلك بخير إن شاء الله ؛؛؛؛

    ردحذف
    الردود
    1. إزيك يا ندى
      أنا الحمد لله تمام وسعيد بمرورك جدا
      وسعيد أكتر بموضوعاتك الجميلة

      حذف
  8. أكيد فكرة حضرتك وصلت وبأسلوب رائع وتفصيل ليس ممل وإيجاز ليس مخل
    أحييك على كم المعلومات الجديدة عليَ أنا شخصياً والتي أوضحت نقاط غابت عنَا فيما بين متخصصين صامتين عن التوضيح وغير متخصصين يتحدثون ويشوهون حقيقة الأمور

    سعيدة بزيارتي لمدونتكم الرائعة ولي عودة بإذن الله
    خالص احترامي وتقديري

    ردحذف
    الردود
    1. .د ايمان
      منوره مدونتى المتواضعه وأتمنى تكرار الزياره مره أخرى وأتمنى أن تكون المدونة نالت اعجابك
      والحمد لله إن حضرتك استفدتى وأن فكرتى وصلت لحضرتك

      أنا أكثر سعادة بتواجدك بمدونتى

      تحياتى لحضرتك وشكرا على مرورك الى شرفنى كثيرا

      حذف
  9. طرح راقى من قلمك احييك عليه

    فمن يرفض تطبيق القانون الشرعى لربه ؟
    طول عمرنا بنطالب بكده فما اجمل شرع الرب سبحانه وتعالى ومن يخافه فهو المسؤل عما يجرى حولنا من جرائم وغيره لاننا لو طبقناه بحق اصبحنا امنين مطمئنين على ارواحنا واولادنا وعلى كل شىء.
    معلومات وطرح قيم .. احسنت قولا اخونا الفاضل جمال
    ولكل شيىء اوان ولا يسعنا الا الدعاء للرحمن ان يصلح امور الامه الاسلاميه

    مودتى واحترامى لارائك القيمه

    ردحذف
    الردود
    1. بسمة الورد
      ربنا يتقبل دعائك ويحمى الامه الإسلامية وتعود اليها الريادة بمن يعرف الله حق معرفته وشكرا لمرورك الدائم
      وشرف لى إن موضوعى عجبك

      تحياتى أختى الغاليه

      حذف
  10. تدوينة راااااااااااااااااااائعة
    انا باشكرك جدا لانك بالتدوينة دي خلتني افهم حاجات كتير مكنتش فهماها وان كنت قبل فراءة الموضوع مقتنعة بان التشريع الاسلامي هو افضل التشريعات علي الاطلاق فبعد قراءتي للمقال اصبح اقتناعي يقين ثابت .
    يالنسبة لطول المقال فهو مش الفيصل في اننا نكمل القراءة او نقف لكن الموضوع نفسه هو اللي بيخلينا نقرر نقف ولا نكمل ولو الموضوع تافه فلن نكمل قراءته حتي لو كان سطرين اما لو الموضوع مفيد هنتمني انه مينتهيش وبنزعل لما نخلص قرايته وممكن نقرأه تاني
    شكرا مرة تانية ولك تحياتي واحترامي

    ردحذف
    الردود
    1. شكرا ليكى على تعليقك الراقى والحمد لله إن المقال اضاف حاجه ليكى
      وبالبنسبه للأعتذار فالبعض لا يحبون قراءة المقالات الطويلة أيا كان ما بها لذلك يجب الاعتذار له انه تعب نفسه و اكمل المقال للنهايه
      تحياتى أختى العزيزه
      وشكرا لكى على متابعتك الدائمة

      حذف