31‏/03‏/2014

التدوينة المائة (Happy Birth Day)

النهارده يوم خاص جدا فى مدونتى النسر المهاجر لسببين 

السبب الأول
إن دى التدوينة رقم 100 فى مدونتى والحمد لله توافقت مع السبب التانى

السبب التانى 
إن النهارده عيد ميلاد مدونتى الخامس


قبل كده محتفلفش بمرور اعوام على مدونتى ولكن المره دى بيتوافق الحدث مع التدوينة رقم 100

مدونتى اول مبدأت الكتابه بها حبيت أجعل لها طابع خاص وجميل وزى كل مدون كنت عايزها تكون بشكل مشرف
والحمد لله لم يبدى أحد عليها أى تعليق من قبل 

حبيت أقسم المدونة لأقسام كان فيه تقسيم قديم بس معجبنيش فقسمتها التقسيم الجديد

ركن كتاباتى : وده الركن الأساسى فى المدونة (تدويناتى الخاصة)
ركن مقالات أعجبتنى : من اسمه مقال عجبنى وأحب الكل يستفيد منه
ركن قصة وعبره : بعض القصص فى حياتنا ممكن يكون فيها عبره لينا حتى لو خياليه 
ركن من أجل صحتك :الركن المفضل لى حيث العوده لأحضان الطبيعه مره أخرى ومعرفة قيمة ما خلقه الله وطبعا ليس مرجع طبى 
ركن معلومات خفيفه  : ده بعتبره ركن مشاركه فى الثقافه العامة  ويكفينى لو قدرت أفيدك بمعلومة ممكن تنفعك فى حياتك أو تقيك ضرر أى شئ أو تستخدمها وقت الحاجه اليها وفيه معلومات غريبه كمان
ركن مناسبات : طبعا باين من اسمه وكل سنة وأنتم طيبين أنا فى الركن ده دلوقتى :)

ومر على فيها مدونين وزوار منهم الى قفل مدونته ومنهم إلى خرج من التدوين ومنهم الى مستمر بالزيارة والتدوين 
وأكيد أنت واحد منهم وبجد منورنى ديما 

فيه مجموعه من المدونين لهم مكان خاص فى مدونتى وفى قلبى كمان بكلماتهم وموضوعاتهم الجميلة والشيقه وأكيد هما عارفين نفسهم لانهم هما دائما الى متواجدين فى مدونتى وباستمرار..

أنا سعيد جدا إن المدونه بقالها خمس سنين وما زالت موجوده  رغم إنقطاعى عنها فتره كانت فى خدمة بلدى مقدرش أتأخر والحمد لله لما رجعت ليها لقيت أحبائى المدونين ما زالووا فاكرينى  

من الحاجات كمان الى بتضحكنى دلوقتى مع انى كنت متغاظ جدا وقتها إنى كنت بكتب عن الروتين فى المصالح الحكوميه كتير بصراحة كنت مخنوق وقتها جدا بس يلا ايامها عدت بس الروتين موجود 

النسر المهاجر لم تكن اول تجربة لى فى عالم التدوين ولكن التجربه القديمة تم إزالتها من عالم التدوين ... ليه معرفش :) !

معلش بقى لو ملخبط الكلام شوية فصحى وشوية عامى النهارده مفيش كنترول قول الى تحبه .
 
كنت هكتب اسماء المدونين الى زارونى حتى لو انقطع عن الزياره ولكن خوفا انى انسى أى شخص عدلت عن الفكره دى  
لكن تأكد / ى  إنك منهم

بحبكم كلكم

أخوكم

هناك 22 تعليقًا:

  1. كل عام والمدونة بخير (:

    ردحذف
    الردود
    1. ذات النطاقين

      كل سنة وأنتى بخير

      نورتي المدونة

      حذف
  2. عقبال 110 سنة والنسر المهاجر يحلق دائما في سماء التدوين بقلمه الذي يحاول نشر الإفادة دوما :)

    ردحذف
    الردود
    1. موناليزا

      110 سنة كتير جدا يا موناليزا كده هبقى اسيبلك بيانات المدونة وتكملى أنتى تدوين فيها :)
      وأتمنى من الله أن يظل وجودك منور مدونتى دائما وكل مدون يمثل ركن بمدونتى
      تحياتى

      حذف
  3. مساء البنفسج
    طبعا انا شكلي وحش جدااا لاني الايام دي مقلة جدااا ف الزيارات والتدوين كمان
    بس ظروف الشغل معلش
    كل سنة والنسر المهاجر بكل خير وفي تقدم دائم وفعلا النسر المهاجر من احب المدونات لقلبي وبستفيد منها جداااا
    ومش هقول حاجة تاني لانك عارف رأي كوي سواني مش بجامل
    بس هرجع اكتب تاني اصل خايفة لا الكهربة تعملها زي كل مرة

    ردحذف
    الردود
    1. مساء الورد كله :)
      ربنا يعدى ايام الشغل بتاعم على خير
      وبعدين ميهمكيش أنتى غائبه حاضره وسيد بتواجدكم جميعا وأتمنى أن يظل ذلك دائما
      وأتمنى ان يظل النسر المهاجر من المدونات المفضله لديكى وتستمر الإستفاده
      وبما إنك بقى رايك كوى كده بقى عايزك تقوليلى ايه رايك فى الصورة الى فوق أصل أنا الى مصممها هههههه :)
      وبعدين متقلقيش ده يوم خاص فى مدونتى الكهربا مش هتقطع

      حذف
  4. اركانك ركبتها بلباقه والمــــــــــام
    ومبن زبك ياجمال ذوقك كله اكرام
    تحياتى وعقبال كل عـــــــــــــــام

    ردحذف
    الردود
    1. أستاذى العزيز الفاروق
      منور مدونتى
      وشكرا على زوق حضررتك فى التعليق
      تحياتى لحضرتك ويارب تبقى بخير وصحة جيدة

      حذف
  5. يارب عقبال التدوينة المليون

    وانت منور عالم التدوين بما هو جميل ومفيد

    يارب ايامك سعاده وهنا .. كل الموده

    ردحذف
    الردود
    1. بسمة الورد
      ربنا يخليكى ولو أنى اعتقد إن صعب الواحد يوصل للمليون لكن عندى أمل فى ذلك :)
      وعالم التدوين منور بأجمل مدونين وأكيد أنتى منهم
      وربنا يخليكى ويجعل أيامك كلها خير وسعاده
      تحياتى أختى العزيزة

      حذف
  6. السلام عليكم
    قبل اى حاجه انا بعتذر عن التأخير لكن بجد غصب عنى النت عندى كان فاصل طول الفتره اللى فاتت ولسه راجع من شويه قلت ادخل بقه اشوف المدونه والمدونين
    كنت مفتقده عالم التدوين اوى
    وكل سنه ومدونتك طيبه وعقبال 100سنه
    وبصراحه عجبنى انك منظم اوى ومنظم مدونتك وعاملها اقسام واركان عجبنى اوى اركان مدونتك وبصراحه مدونتك متنوعه ومواضيعك دايما شيقه
    كل سنه وانت ومدونتك طيبين ويارب تستمر علطول فى التدوين ومش تنقطع ولا تغيب ابدا ابدا
    تحياتى

    ردحذف
    الردود
    1. وعليكم السلام
      الحمد لله على سلامتك يا قمر ومعلش كل تاخيره وفيها خيره :)
      وأكمان أكيد عالم التدوين افتقدك زى مفتقدتيه
      وشكرا على كلامك الطيب فى حق مدونتى وشكرا جدا على زوقك الراقى
      وكل سنة وأنتى بخير وصحة جيدة وربنا يتقبل منك وكمان أتمنى لكى الإستمرار والتقدم الدائم
      تحياتى

      حذف
  7. اه من حق
    انت قولت ا ن. النسر المهاجر مش اول تجربه ليك فى التدوين
    طب مدونتك القديمه اللى قفلتها كان اسمها ايه

    ردحذف
    الردود
    1. مدونتى القديمة افتتحت فى سبتمبر 2007 وكان اسمها " أبو العز " لكنى مسحتها
      ارى ان النسر المهاجر أفضل منها بكثير وإن كان هناك مدونات يعجز السان عن وصف جمالها فى عالم التدوين
      وعقبال لما مدونتك توصل للسنه ال100 باذن الله
      تحياتى

      حذف
  8. كـــل سنــة وأنت ومدونتك طيبين وبألف خير ودايماً منور بلوجر بمواضيعك المتميزة وتعليقاتك الجميلة
    :)
    أنا كنت كتبت تعليقين قبل كده بس يظهر إن فيه مشكلة عندي في المتصفح

    ردحذف
    الردود
    1. PASHA
      وحشتنى كتير
      وكل سنة وأنت بخير ديما
      والتعليقات الى قبل كده موصلتش بس خلينا فى الجديد
      وأهم حاجه إنك نورت النسر المهاجر ويا رب تفضل منورها ديما

      حذف
  9. أنا سعيدة أنا أول مرة أدخل مدونتك تكون في مناسبة سعيدة, عجبني تمسك بالتدوين ووفاءك لمدونتك وللمدونين ..وكل سنة وأنت طيبة ومدونتك بخير!

    ردحذف
    الردود
    1. نييلى على
      أنا أيضا سعيد بوجودك فى النسر المهاجر وأتمنى تقضى فى المدونة وقت ممتع
      وأن تنول اعجابك
      وكل سنة وحضرتك بخير
      وأتمنى التواصل الدائم
      تحياتى

      حذف
  10. ربنا يديك الصحة والعمر الطويل وتوصل للتدوينة المليون واليوبيل الماسي
    لا حرمنا الله من تدويناتك الرائعة القيمة ولا قطع لنا كهرباء او افسد جهاز لنستمتع بما تكتب
    تحياتي وتقديري

    ردحذف
    الردود
    1. ربنا يخليكى ويكرمك
      وربنا يبعد قطع الكهرباء عن مصر كلها
      شكرا لمرورك الذى ايعدنى كثيرا
      تحياتى

      حذف
  11. الردود
    1. وحضرتك بخير
      منورا مدونة النسر المهاجر
      تحياتى

      حذف