18‏/04‏/2014

ما فوق الجنون

توقف ..............نعم توقف

قد أتكلم كثيرا أو قليلا لاأعلم ولكنى ساتكلم بشكل مسترسل جدا عن شئ اصبح يؤرق على حلمى بمصر التى اتمنى ان اراها فى صورة قد رسمتها لها فى مخيلتى واتمنى ان تتحق ولو حتى  لحظات قبل موتى .
أرى أن مصر كلما اقترب ان ينصلح حالها يفسد حال شعبها وتصبح الحكومة مطالبه بجمح هذا الفساد هذا اذا لم يكن فى الحكومة ايضا عناصر فاسده . يقولون ان الشعب المصرى يحتاج دائما للقوه لكى تستطيع السيطره عليه فهل هذا صحيح أم ان ثلاثون عاما من الكبت اصبحوا مثل الورم الذى به قيح يخرج عندما ينفتح ذالك الورم وهل يستمر خروج هذا القيح كل هذه السنوات أشك فى الأمرين .
المستوى الاخلاقى اصبح يتجه لاسفل دون اى رادع او مقاومة له . اصبح الصبى عمر 10 سنوات متحرش ولما لا وهو يرى من فى سنه اصبح بطل لفيلم ويصور مشاهد اباحيه ويعامل على انه نجم مجتمع .
وعلى صعيد اخر المدرسه التى مهما كان سنها صغير كانت تعامل كأم وأخت كبيره لها احترامها وقدسيتها وبسبب الإنتاج السنمائى الفاشل اصبحت تغتصب من طلابها وتقع معهم فى علاقات بأى شرع أو عرف يحدث هذا .
وممثل أخر اصبح من كثرة تمثيلة دور البلطجى يعتبر نفسه مثل اعلى للبلطجيه منذ متى والبلطجه أصبحت وسام وشرف منذ زمن كان البلطجى يتوارى عن اعين الناس من نظره الناس المقززه له أصبح الأن مفخره له أنه بلطجى .
هذا على المستوى السنمائى الفاسد على المستوى الواقعى اصبحت الأنثى هى فاكهة الطريق لكل عابر فيه حتى لو كانت محترمه الا انها لو كانت فى زينه أكثر من العاده فانها هدف سهل لهؤلاء لان أول انطباع لديه انها غير مؤدبه وتستحق هذا بل البعض يذهب انها تريد هذا .
هذا طبعا غير منطقى فى مجتمع يدعى انه اسلامى ومتدين وحتى من قال بتطبيق الدين زاد من سنوات تراخيص دور الرزيله ثم يقول بانه سيغلقها. حتى اصبحت الان لها مسابقات فى احياء الفن الجميل على حد وصفهم .
صوة واقعيه أخرى طالب يتعدى على مدرسه وهو لم يتجاوز عمره الخامسه عشر والغريبه انه لايفصل بل لا بد ان يسجن انما فى النهايه المدرس غلطان .
مستوى أخر من الجرائم ظهر اب يعتدى على ابنته سواء بارادتها أو اغتصاب غالبا أو تحت تاثير مخدر دى بقى نهمها إزاى إذا كان الأب بيعتبر بنته هى شرفه واى حد يلمس شرفه كان بيقتله ولو غلطت بمزاجها كان بيقتلها طيب إزاى هو بنفسه بيعتدى على شرفه وبيخلى بنته تمشى فى الرزيله بعد كده . ونوع اخر ظهر وبقى عادى انه يتعمل فيه قضيه وهو الشذوذ الجنسى  وطبعا معروف ليه ده ظهر فى المجتمعات العربيه .
كفى ذلك فهناك الكثير والكثير ممن يدعون حب مصر ومن يدعى باننا شعب لا نتحرك الا بالقوه .ألم يحن لنا أن نحترم ذواتنا وافكارنا وديننا وخلقنا ان نعود الشعب المصرى الابى القوى الذى كان يدفع حياته من أجل إمراه يقال لها كلمة تخدش حيائها أم اصبحنا لا نبالى باى شئ حتى نجد انفسنا ارزل الأمم .
كل شخص يحاول أن يغير ينتقد ويحاول تغير الوضع القائم نريد نخوة الشباب المحترم نريد أن نسرى بالخير وان نطبقه نريدها دولة متحضره ومتدينه كل الأديان السماويه رغم اختلافها الا انها تدعى للرفعه بالإنسان وحياته وتحافظ على الاوطان نريد وطننا مره أخرى .
من لم يحب ان يتغير للأفضل هو حقا لا يمشى الا كالعبد بالعصا ويستحق ان نلفظه ولكن لنحاول تغيره فقد يفيد بلده أكثرنريد أن نوقف كل ما يغير كياننا كشباب نححن من سنحيا فيها بعد ذلك حتى ياتى غيرنا فهل نريد أن يعيش الأجيال من بعدنا وهم يذكرونا بخير ام يقولون بئس ما تركوا لنا .

توقف ................بارادتك 
أو 
توقف ...........رغم عن انفك 
نحن نريد هذا

هناك 12 تعليقًا:

  1. مساء الخير عليك

    طرحت موضوع غايه فى الاهمية ويستحق المناقشه كثيرا , فحال امتنا العربيه لا يسر الا من رحم ربى , فالكل تفهم موضوع الحرية والتعبير واستخدام التقنيات الحديثة بالغلط .
    لا قدرنا نستخدمها لخير انفسنا واولادنا ولا قاديرن نبعد عن اخطارها.
    وفعلا السبب البعد عن القيم والاخلاق والعادات والتقاليد فأسلافنا نجحوا عننا لاخلاقهم وتعليم اولادهم تعاليم دينهم ..

    ولا نملك غير الدعاء لله ان يبعد عنا ضعاف النفوس اللذين يبثوا السم لنا فى كل شيىء وانا ارى ان مانحن فيه هى الفتنه بعينها ... رحمنا الله واياكم وجنبنا فتنة الدنيا والاخرة

    راق لى طرحك دامت فلسفتك وفكرك راقيه ... كل الاحترام

    ردحذف
    الردود
    1. صباح الورد يا بسمة
      التكنولوجيا مش سبب فى الإنحدار الأخلاقى لان التكنولوجيا وسيله لده فى دول العالم الاخرى بيستفيدو بالتكنولوجيا فى حياتهم وبيحولوا يسخروها لمصالهحم وبما ان الاخلاق عندهم منحدره بالنسبه للعلاقات الخاصه فطبيعى انهم يستعملوها ايضا فى الحاجات الغلط إنما إحنا دينا بيمنعنا من ده ومش بنستعملها الا فى الحاجت الغلط الاسلحه بنقتل بعض بيها بدل مندافع عن نفسنا التليفزيون بيكون وسيلة للقضاء على الأخلاق والحياء بدل ميكون وسيلة تعليميه كل حاجه تقريبا بندور على عيوبها ونعملها ونتمنى من الله انه ينتقم من كل الى بيحاول يغير فى اى حاجه تؤدى لإهانة الإنسان ودينه ووطنه
      تحياتى

      حذف
  2. نحن نريد هذا ...!
    الي هو إية ...؟
    احنا عايزين اية ؟
    عايزين اخلاق ... في زمن يدعو للتحرر والنظر الي الابعد وعدم التمسك بالتقاليد والدين
    عايزين تفتح في زمن يدعو للرزيلة ومش فاهمين يعني اية تفتح وتنوير
    عايزين فن في زمن ابتذال ومش عارفين يعني اية فن ولا عارفين ازاي نتعرض لمشكلات الواقع بدون اسفاف ولا جرح للمشاعر
    عايزين حرية ... عايزين حرية لخلع الملابس وخلع اخلاق وخلع الدين و
    عايزن نمنع الرقابة علي المصنفات الفنية ونعمل مظاهر ضد منع فيلم هيفاء الجديد اشمعني يعني هيفا ..وبعدين ما احنا لو سكتنا عشان منعوا فيلم هيفاء عشان مشهد جنسي يبقي هنسكت عشان فيلم بيعرض وجهه نظر سياسية ... ودي المصيبة الي المتنورين بتوع المدارس والجامعات وبتوع حقوق الانسان ميفهموهاش ....
    انا مع قرار الرقابة بمنع الفيلم ومش عشان انا وجههة نظر ضيقة او اني متشتددة دينيا بالعكس انا واحدة بحب الحرية بس مش بحب الالابتذال .... بحب اشوف مشاهد الحب والرومانسية بس الغير مبتذلة ... يبقي ازاي قاول اني هروح اعمل وقفة احتجاجية ضد الرقابة عشان منعت فيلم هيفاء وهبي الي فيه مشهد جنسي بنها وبين طفل ..بدعوي انه تمثيل ... والنبي بلاش متاجرة بالواقع وبالحرية
    انا حاسة اني بتكلم بنرفزة بس بجد الفيس بوك كله غباء ف غباء ف نقطة ان الرقابة منعت الفيلم عشان احنا لو قلنا ان الرقابة صح يبقي معني كد اننا هنسكت لو الرقابة منعت فيلم سياسي ..وشتان بين الاثنين ...
    بيتهيئلي كدة كفاية وبلاش انرفز نفسي بالكلام

    ردحذف
    الردود
    1. كلامك صح يا رحاب احنا الى بقينا عايزين كده فعلا بسكوتنا على الغلط وصدقينى الدين كله حريه بس حرية صح لان الحاجات الى بنعتبرها انها تقييد احنا الى وضعناها بايدينا وننسبها للدين علشان تاخد غطاء شرعى واجب سنين والناس بتعقد الامور وفى الاخر نقول احنا بنطالب بالحرية .اى حرية نريد اليست الحياة الكريمة حريه أليس التعليم الجيد حرية .اليس الاماكن النظيفه والحياة الكريمة حرية أم ان الحرية ان ندع كل شخص حسب أهوائه دون رادع فهذا ليس حرية انما مهانه للشخص ذاته ليس من الحرية ان نلبس ما نريد لدرجة ان نصبح كالعرايا ثم نعود وننتقد المجتمع بانه منغلق كل الألفاظ التى تستخدم هى بغرض الوصول للإلإسفاف فقط . شئ أخر منذ متى ونحن نقوم بصناعة افلام سياسيه لا اتذكر انى فى خلال الخمس سنوات الماضيه شاهدت فيلم سياسى حتى السرة الذاتيه للرؤساء لا تصبح فيلم الا بعد وفاته رغم أن هناك فرق شاسع بين الفيلم السياسى والفيلم الإباحى وليس اعتراضى على الفيلم من اجل المشهد فقط وانما من أجل القصه باكملها التى اصبحت تعاد فى صور مختلفه
      اعتقد ان النرفزه اقلف شئ بالنسبه للى بيحصل ولكن يجب ان نغير الواقع وان نتحدث مع الناس وان ننتقد فمتى يصبح لعالم التدوين كلمته وبه هذا الكم من الأشخاص والعقول المتنوعه أتمنى ان ارى مصر كما أحلم حقا
      تحياتى

      حذف
  3. اااااه وألف اااااه
    بصراحه انت اتكلمت عن حاجات انا بتكلم فيها كل يوم مع نفسى ومع جيرانى وبقيت اتعمد انى مفكرش كتير عشان ميحصليش حاجه
    تعرف وانا بقلب فىالتلفزيون كانوا عاملين لقاء مع مخرج معرفش اسمه المهم المخرج ده عمل فيلم بيتكلم عن قصه كفاح وكل ما يكلم ممثل عشان يشترك فى الفيلم يرفض لان اكتر الممثلين عايزين يمثلوا دور البلطجى او فيلم بيتكلم عن البلطجه
    وكإن البلطجه دى بقت ماركه او بقت وسام شرف او بقت موضه
    والغريب ان الشرطه ليها تعامل مع كتير من البلطجيه وبيستخدموهم
    والاعلام بقى فاسد لدرجه مقززه فعلا بقى شىء مقزز
    ده حتى فى قناه اطفال مخصصه لكارتون الاطفال بييجى عليها اعلان فيلم زباله اوى وكاتبين الفيلم للكبار فقط طب ازاى بيعرضوا الاعلان على قناه اطفال. .
    كل الافلام حاليا بتكلم عن 3حاجات
    بلطجه
    مخدرات
    دعاره
    يعنى خلاص دى بقت مصر؟
    هما دول الناس اللى بيمثلوا مصر؟
    مصر بقت عباره عن دعاره وانحلال ورقاصات وحشيش وسرقه وبلطجه؟
    حتى المسلسلات اللى كان عليها رقابه شديده الوقتى المسلسلات بيتقال فيها الفاظ قذره ومش هقولك بيتقال كلام فيه ايحاءات جنسيه لاء ده الوقتى الكلام ده بيتقال بشكل مباشر
    غير كده ان الناس فى الشارع بقت اخلاقها متدنيه جدا والكل بيبلطج على الكل وكإن خلاص معادش حد ليه كبير
    لا عاد حد بيقول كلمه حق ولا فى شهامه ولا انسانيه الا من رحم ربى
    ده غير غلاء الاسعار وقطع الكهربا بطريقه مستفزه وإلخ إلخ
    وعلى فكره بحكم انى عايشه حاليا برا مصر اقدر اقولك ان المصريين مش مشرفين مصر فى الخارج ابدا
    فى البلد اللى انا فيها مصريين سرقوا شركات بالمليارات وهربوا وبقت سيره المصريين زى الزفت
    حرام بجد اللى بيحصل ده
    لكن طلعلى كده نسبه الناس الكويسه فى مصر الناس المتحضره الناس اللى متمسكه بالقيم والمبادىء والاخلاق
    يأترى كام فى الميه
    على فين رايحه مصر
    الله اعلم

    ردحذف
    الردود
    1. قمر
      بصراحة مفيش كلام ممكن يقال بعد تعليقك الا ربنا يرحمنا ويرحم مصر بجد البلطجه بقت هى الأساس اما عن غلاء الأسعار والكهرباء وضياع الخدمات وغيره فمصر منذ أكثر من ثلاثين عام وهى كذلك ونتمنى ان يتغير هذا الوضع الإقتصادى المزرى أما الأخلاق فإنها لن تتغير الا بتغير الأشخاص فالى عامل نفسه بلطجى لما بيلاقى الدنيا كلها بتنتقده بيمشى سليم أما عن المصرين الى فى الخارج والى سرقوا ملاين فده من زمان ولكن العيب فى الإدارت بتاع الشركات دى لان الاداره الصحيحة بتكون مراقبه لموظفينها والشخص الى بيسرق هو اوضع من اانا نتكلم عليه بجد حاجه تحزن القلب ان المصرى يسرق ال بلده فيها خزائن الارض ولكن للأسف الاف السنين وخزائنها تنهب ومع ذلك لها قوامها لك الله يا مصر
      تحياتى

      حذف
  4. كلامك ده كان بيدور احيانا في فكري وبعد الثورة بقيت اقول احنا ازاي بنقول ان بثورتنا علي الحكومة والنظام كأننا بنثور علي الفساد واصلا الفساد فينا احنا كمان -ويمكن ربنا سلط علينا الحكام الظالمة لاننا فسدنا"واذا اردنا ان نهلك قرية امرنا مترفيها ففسقوا فيها فحق عليها القول"-سواء باننا بنمارسه او بنسكت عليه او ببنشره من خلال البرامج والمسلسلات والافلام بحجة انه واقع واللي يمنعنا من نشره بيكون بيحجر علي حريتنا ونسي انه كده بيجهر بمعصية وبيساعد علي نشرها بين ناس لم تكن قد سمعت عنها والادهي من كده اني بلاحظ ان دايما بيصوروا المذنب في صورة الضحية. ولان الاجهار بمعصية يساعد علي نشرها فقد حرمه الرسول عليه السلام(كل أمتي معافي إلا المجاهرين. وإن من الإجهار أن يعمل العبد بالليل عملا، ثم يصبح قد ستره ربه، فيقول : يا فلان ! قد عملت البارحة كذا وكذا. وقد بات يستره ربه. فيبيت يستره ربه، ويصبح يكشف ستر الله عنه).
    "لا يغير الله ما بقوم حتي يغيروا ما بأنفسهم"

    ردحذف
    الردود
    1. كلامك صحيح جدا جدا
      العيب فى الناس لانها اعطت فرصه لده ان يظهر وافعال الناس كانت سبب فى ظلمهم
      شكرا على لاغضافه الجميله والى تعتبر اضافه للمقال ذاته
      تحياتى

      حذف
  5. انا ماعنديش على كلامك تعليق غير انك كلامك حقيقى والبوست يوجع
    ربنا يصلح الحال

    اتمنى لك نهار مشرق خالى من الوجع

    ردحذف
  6. مش لاقيه كلام اقوله بعد كلام اصدقائى المدونين

    الله يسلموا

    ردحذف
  7. مساء الخير أيها الجرّاح .. ذو المشرط الحاد
    رغم أنني على علم كامل بكل ما كتبته ببساطة لأننا نعيشه
    إلا أن كل حرف جاهرت به أبكاني
    لأن وضع مصرنا الحبيبة أصبح قاب قوسين أو أدني
    الله وحده المستعان

    تقديري

    ردحذف
  8. اتمنى ان تكون بخير اخى
    ليه غايب كل الفتره دى؟
    عسى المانع خير

    ردحذف