انا عايز أتكلم عن حاجه مشهورة جدا فى أوساط الرجال والنساء ومش موجوده الا بين المتزوجين فقط
وعلشان محدش يقول إنى منحاز للرجال هبتدى بيهم
الرجال (الأزواج)
الرجل يجى يقعد مع اولاده وزوجته والحوار يدخل فى أيام الجواز يبتدى يحكى عن تضحياته وإنه إتجوز مراته ومكنش موافق وإنه دفع ليها مهر كبير مع غنها متستحقش وإن اتعرض عليه ستات الدنيا والأخره وهو رفض وإنه عايش مع الست دى علشان ولاده وإنه لو يعرف إن الجواز كده مكنش اتجوز .
النساء (الزوجات)
تلاقى الواحد بالذات قدام ولادها .دا انا كان جايلى عرسان الدنيا والأخره وزراء وأنا رفضت ومفقتش غير على ابوكم ودا من حظى الأسود وشوية بقى وهى مع جارتها دا راجل فقر القرش يدخل من الباب ينط من وشه من الشباك وشوية تتكلم عن وإنها كانت صبية كانت ملكة جمال أثينا وتكمل بقى من اسطوانة الزوج دا انها عايشه معاه علشان الأولاد وإنها رفضت ولا مئة عريس
الأولاد
طبعا الأولاد داخليا بيتحطموا بالكلام ده لانهم مش بيحسوا بالحب فى الأسره وده بيطلع أبناء معقدين نفسيا حتى الإبن ده لما بيتجوز بيكون له نفس انطباع باباه أو مامتها لو بنت دا غير انه ممكن يخلى سلوك الإبن غير سوى مع الوالدين لأنهم شافهم مش بيحترموا بعض
كلمة للطرفين
كلمة للزوج والزوجه الى قصدت اسميها صاحبة الأساور الذهبيه لأن كلمة مية عريس دى عامله زى الأسويرة الى بتحاول تزين نفسها بيها إرحمواا ولادكم إرحموا اجيال هتطلع بعدكم إرحموا الشخص الى ممكن يستمع للكلام الفارغ ده وأنتوا مخطوبين كنتوا هتموتوا على بعض ولو قولتوا لا هقولكم كدابين والنصيب مش باختياركم فكل واحد ميعملش نفسه المهم لا هو كان كازنوفا ولا أنتى فرجينيا
إرحموا عقول أبنائكم
أنا كتبت الكلام ده لانى شوفت زوجين ولادهم فى نهاية المرحلة الإبتدائية بيتكون ادراكهم وثقافتهم وأبوهم وأمهم بيدوروا مين كان بيجرى ورا التانى طبعا حاجه تخلى الواحد يحزن على حال الأسرة المصرية
وعلشان محدش يقول إنى منحاز للرجال هبتدى بيهم
الرجال (الأزواج)
الرجل يجى يقعد مع اولاده وزوجته والحوار يدخل فى أيام الجواز يبتدى يحكى عن تضحياته وإنه إتجوز مراته ومكنش موافق وإنه دفع ليها مهر كبير مع غنها متستحقش وإن اتعرض عليه ستات الدنيا والأخره وهو رفض وإنه عايش مع الست دى علشان ولاده وإنه لو يعرف إن الجواز كده مكنش اتجوز .
النساء (الزوجات)
تلاقى الواحد بالذات قدام ولادها .دا انا كان جايلى عرسان الدنيا والأخره وزراء وأنا رفضت ومفقتش غير على ابوكم ودا من حظى الأسود وشوية بقى وهى مع جارتها دا راجل فقر القرش يدخل من الباب ينط من وشه من الشباك وشوية تتكلم عن وإنها كانت صبية كانت ملكة جمال أثينا وتكمل بقى من اسطوانة الزوج دا انها عايشه معاه علشان الأولاد وإنها رفضت ولا مئة عريس
الأولاد
طبعا الأولاد داخليا بيتحطموا بالكلام ده لانهم مش بيحسوا بالحب فى الأسره وده بيطلع أبناء معقدين نفسيا حتى الإبن ده لما بيتجوز بيكون له نفس انطباع باباه أو مامتها لو بنت دا غير انه ممكن يخلى سلوك الإبن غير سوى مع الوالدين لأنهم شافهم مش بيحترموا بعض
كلمة للطرفين
كلمة للزوج والزوجه الى قصدت اسميها صاحبة الأساور الذهبيه لأن كلمة مية عريس دى عامله زى الأسويرة الى بتحاول تزين نفسها بيها إرحمواا ولادكم إرحموا اجيال هتطلع بعدكم إرحموا الشخص الى ممكن يستمع للكلام الفارغ ده وأنتوا مخطوبين كنتوا هتموتوا على بعض ولو قولتوا لا هقولكم كدابين والنصيب مش باختياركم فكل واحد ميعملش نفسه المهم لا هو كان كازنوفا ولا أنتى فرجينيا
إرحموا عقول أبنائكم
أنا كتبت الكلام ده لانى شوفت زوجين ولادهم فى نهاية المرحلة الإبتدائية بيتكون ادراكهم وثقافتهم وأبوهم وأمهم بيدوروا مين كان بيجرى ورا التانى طبعا حاجه تخلى الواحد يحزن على حال الأسرة المصرية
اه والله كلام حضرتك صح جدااااا
ردحذفالاولاد بيتعقدوا من الكلام ده ..
يارب الازواج ينفذوا اللي بتقول عليه على الاقل عشان ولادهم
و شكرا لتوضيح حضرتك للمعلومات اللي طلبتها
سلام عليكم
ذات النطاقين
حذفبات من الصعب على الأجيال السابقه أن تنهى هذه العاده
وأتمنى لو اى انسان يجد احد الزوجين يتحدث بهذه الطريقه أن ينبهه لعواقب فعله هذا
ومن لم يتزوج بعد فليضع ذلك فى حسبانه وليزن كلامه خصوصا أمام أبنائه لانه سواء اراد أم لم يريد سوف يؤثر فى شخصصية ابنائه وسيكون أول قدوة لهم
وبالنسبه للتوضيح فلا شكر على واجب وأنتى تؤمرى
تحياتى أختى العزيزه
اخى جمال
ردحذفانت اتكلمت عن مشكله مجتمع
تقريبا تلات تربع اسر مصر بالشكل ده
وطبعا ده بيأثر على نفسيه الاولاد
بصراحه مش عارفه اقولك المشكله عند مين بالظبط
يعنى حتى لو الزوجه هى اللى اختارت بنفسها شريك حياتها بترجع تندم على اختيارها
والزوجه اللى بتوافق على العريس بناءا على اختيار اهلها ليه برصه بترجع تندم فى اختيارها
ناهيك عن المسلسلات التركيه الرومانسيه كل ما زوجه تشوفها بتلعن حياتها وبتتمتى تعيش فى جو المسلسل ده وبالتالى جوزها استحاله هيبقى رومانسى كده وحساس فى يوم وليله
انا بحكم صداقتى مع ستات وبنات كتير ومش كلهم مصريين على فكره انا اعرف ستات من جنسيات تانيه واعرفهم معرفه حقيقيه ودخلت بيتهم قبل كده
استنتجت ان الجواز التقليدى افشل من الجواز عن حب
بالعكس اصحابى اللى اتجوزوا عن حب حياتهم تختلف تماما عن اللى اتجوزوا جواز صالونات
وبيكون عندهم مقدره عجيبه لحل اى مشاكل غير جواز الصالونات ممكن الزوجين يسيبوا المشاكل من غير حل وبتعايشوا معاها والسلام
بصراحه استنتاجى ده مش جاى من فراغ لاء انا سمعت لمشاكل ستات كتير ولقيت فعلا ان اللى اتجوزوا عن حب محظوظين.جدا الا فئه قليله منهم ندموا على الحب اللى كان بينهم واحيانا بينتهى بالانفصال
عجبنى جدا موضوعك
تحياتى
واسفه على الاطاله
قمر
حذفالزواج التقليدى قد لا يكون بع مشاعر كالزواج عن حب ولكن لو نظرنا حولنا فى المجتمع سنجده هو السائد ولكن الشباب الأن يحتاجون لتاهيل حتى يستطيعوا أن يعيشوا حياة سليمة ولكن الزواج عن حب قد يكون هناك تالف وتعود أسرع من التقليدى وفى النهايه ليس هناك قاعده لفشل الزواج أو نجاحه الا من الزوجين انفسهم وقدرتهم العقلية والإستجابيه للحياة الجديدة
كل انسان يتمنى الزواج عن حب ولكن ليس الكل مهئ لذلك
ولم أكن أعلم أن الموضوع سينال اعجاب المدونين والحمد لله أن نال اعجابك
وليس هناك داعى للإعتذار فأنا استمتع كثيرا بتعليقاتك الجميلة والموضوعيه خاصة اذا احتوت على ماده للنقاش
تحياتى أختى الغاليه
اه نسيت اقول حاجه
ردحذفعجبنى اوى العنوان
معبر جدا وغير تقليدى
تحياتى
شكرا على رايك فى العنوان
حذفوانا سعيد جدا انه عجبك
قد يصبح يوما من الأيام عنوانا لكتاب
معاك حق اكيد
ردحذفلكن للأسف ان ده بيحصل احيانا من ازاواج متعلمين ويكادوا يكون مثقفين
طيب هيسيبوا اية للجهلة او الي مش متعلمين ؟
وازاي يكونوا عايزين اولادهم يطلعوا احسن منهم وهما اصلا وحشين ؟
مستوى التعليم مش بحدد سلوك الأفرا لان ده بيكون من داخل الشخص نفسه احيانا احساس الطرفين بالنقص هو الى بيحرك الكلام ده جواهم وأحيانا الجهله مبيقولوش مثل هذا الكلام لكن ده نادر طبعا
حذفتقدرى تقولى الإبن بيسمع الأب بيقول الكلام فده فبيقلده لما بيتجوز والبنت كذلك
مفروض نحاول نبدأ بأنفسنا وننصح غيرنا على امل أننا نقدر نغير سلوك زى ده فى المجتمع
تحياتى اختى الغاليه رحاب
والله ياجمال الدنيا مش مرايحه حد خالص
ردحذفساعة نجيسب العيب من الزوج وساعة نجيب العيب من الزوجه لدرجة وصلت بالبعض اعتبار الزواج ظاهرة اجتماعية فاشلة
عجبنى قوى رد كلا من قمر ورحاب
ردهما كان من الواقع منه واليه
ربنا يخلليهم لينا وسخللى امثالهن
العيب بيكون ان الطرفين مش بيقدروا بعض
حذفمفروض ان التسامح بيكون مع الزوج او الزوجه اكتر من اى حد
الكرامه الانسانيه بين الزوجين موجوده فى الاحترام اما غير ذلك فكل منهم يعتبر كرامته فى كرامة الاخر احيانا بل نادرا نجد بعض الزوجين كل منهم يعلى فى شان الأخر ولا يتحدث عن نفسه حتى لو بينهما فقط وهذا يقوى العلاقات والروابط أكثر
الزواج ظاهره ناجحه لانه بدون الزواج أى فى حياة السفاح ليس هناك احترام للعلاقات الإنسانيه ولا لنتاج هذا الفعل ولا لادمية الإنسان الزواج هو ما يميز الإنسان عن الحيوان فى تلك العلاقه ولكن الأهم هو احترام الطرف الاخر
وشكرا ليك استاذى الغالى على تشريفى بوجودك وردك
تحياتى
مساء السعاده ياجمال
ردحذفطرحك راقى بديع وحط اسلوب حياتنا وتفكير البعض منا فى دائرة الضوء والمناقشه
بتهيالى طريقة التربيه والانغلاق فى معاملاتنا مع بعض هى السبب لكن بتهيالى اتعودنا على كده واهو الاجيال الجديده تحرص بقى واهى ايامهم باينه من اولها ربنا يستر هههههههههه
كل الاحترام لقلمك وفكرك ... مودتى
بسمه الورد
حذفالتعود على شئ لا يعنى عدم استطاعة تركه لان احيانا ادمان شئ لا يمنع من تركه
وبالنسبه للاجيال الجديدة مش كلهم هيغيروا ده لان فيه كمية كبيره من الأبناء بيقتدوا بابائهم وأمهاتهم خصوصا فى حياتهم الزوجيه
تحياتى لكى على مرورك الكريم
عندك حق ناس دماغ فاضية والله بدل ما يفخموا ف بعض قدام الأولاد عشان يخلوا الأولاد يحسوا قد ايه فيه مودة بينهم وحب وان البيت مليان حنان .
ردحذفربنا يشفى هيا عاملة نفسها ملكة جمال العالم فاكرة نفسها نيكول كيدمان وهو فاكر نفسه توم كروز .
تحياتى أخى الغالى ؛؛؛
وانتى كمان عندك حق كل واحد بيفتكر نه كتير على التانى مع ان ربنا جمع بينهم لان بينهم حاجات كتير مشتركة ركزوا على الذات ونسوا المشاركه والتالف
حذفتحياتى اختى العزيزة
للأسف هذه الكلمات والطريقة في التعامل أصبحت هي القاعدة بين الأزواج
ردحذفوفي النهاية نبحث ونحن مغمضين العينين عن الحقيقة الجلية في أسباب تدهور الصحة النفسية للأطفال فمن ثم الشباب
تقديري أيها الفاضل
د/ ايمان
حذفرايك اضاف للموضوع فحقا الصحه النفسيه للطفل تختل وتتدهور بفعل الأباء وتصرفاتهم وتصبح كالنار فى الهشيم مع تعاقب الأجيال
تحياتى وتقديرى لحضرتك على تواجدك الكريم
الموضوع عجبني جدا و وخصوصا انه عن واقع عايشينه وكمان ليه تأثير علي عملي كمعلمة
ردحذفانا شايفة ان ادعاء احد الزوجين او كلاهما انه يضحي بسعادته و يتحمل الحياة مع شخص لا يريده من اجل الاولاد هو ادعاء غير منطقي لانه لو كان يتحمل ذلك من اجل الاطفال كان اولي به ان يتحمل الطرف الاخر ويحترمه ويحسن من صورته امام الاولاد علي الاقل لان ذلك له تأثير ايجابي علي الاولاد الذي يدعي انه يضحي من اجلهم ولكن ما يحدث هو العكس فيظل كلا منهم بمناسبة وبدون مناسبة يشتكي من حياته التعيسة مع الطرف الاخر ويكون الاولاد هم الضحية وهكذا تذهب تضحيتهم –كما يسمونها- ادراج الرياح فلا هم عاشوا حياة سعيدة ولا استفاد اولادهما من وجودهما معا بل علي العكس قد يكون انفصالهما افضل لهما وللاولاد فحينها قد يعيش كل منهما سعيدا فينعكس هذا علي لاولاد بصورة ايجابية وحتي ان لم يستفيد الاطفال في حالة الانفصال فحينها لن يختلف حالهم عن حياتهم مع ابوين لا يحترمان بعضهما ولا يكف احدهما عن التذمر من الاخر .
تحياتي
فعلا هو بيدمرهم بكلامه وليس هناك أدنى تضحيه من افعاله واقواله وللأسف كثر هذا المثال فى مجتمعنا حتى أن الطفل يسجل ما يقال فى ذاكرته لكى يقوم بترديده يوما ما .
حذفالأسره السعيده تعيش من أجل حياة افضل ومستقبل افضل وباهر
تحياتى